”انہیں جواب دینا ہو گا“شہباز شریف کا کورونا ٹیسٹ مثبت آنے کے بعد مریم نواز میدان میں آگئیں

”انہیں جواب دینا ہو گا“شہباز شریف کا کورونا ٹیسٹ مثبت آنے کے بعد مریم نواز ...
”انہیں جواب دینا ہو گا“شہباز شریف کا کورونا ٹیسٹ مثبت آنے کے بعد مریم نواز میدان میں آگئیں

  

لاہور(ڈیلی پاکستان آن لائن )سابق وزیراعظم نواز شریف کی صاحبزادی مریم نواز نے شہباز شریف کی صحت کو مزید بگاڑنے والوں کو جواب دینا ہو گا۔سماجی رابطے کی ویب سائٹ ٹویٹر سے جاری اپنے پیغام میں مریم نواز نے کہا ہے کہ شہباز شریف کورونا سے متاثر ہوئے ہیں۔ ثابت ہوتا ہے کہ شہباز شریف کے شکوک بے وجہ نہیں تھے۔انہوں نے مزید کہا کہ جنہوں نے شہباز شریف کی گرتی صحت کو جانتے بوجھتے مزید بگاڑا، انہیں جواب دینا ہو گا۔ اللہ تعالی شہباز شریف اور کورونا سے متاثر تمام مریضوں کو صحت کاملہ عطا کرے۔

واضح رہے کہ قائد حزب اختلاف شہباز شریف کا کورونا ٹیسٹ مثبت آگیا ہے ،اس سے قبل مسلم لیگ لیگ ن کے رہنما احسن اقبال، شاہد خاقان عباسی اور مریم اورنگزیب کا کورونا ٹیسٹ بھی مثبت آ چکا ہے، ن لیگی رہنما طاہرہ اورنگزیب اور عطااللہ تارڑ میں بھی کورونا وائرس کی تشخیص ہو چکی ہے اور تمام رہنماوں نے خود کو قرنطینہ کر لیا ہے۔سینیٹر ثنا جمالی اور متحدہ قومی موومنٹ کے ایم این اے اسامہ قادری نے بھی کورونا ٹیسٹ مثبت آنے کے بعد خود کو قرنطینہ کرلیا ہے۔

مزید :

قومی -