حکومت کا چھوٹی گاڑیاں اور موٹر سائیکلیں خریدنے کے خواہشمندوں کو بجٹ میں بڑی خوشخبری سنانے کا فیصلہ 

اسلام آباد (ڈیلی پاکستان آن لائن )حکومت آج مالی سال 2021-22 کا بجٹ پیش کرنے جارہی ہے جس میں چھوٹی گاڑیاں اور نئی موٹرسائیکلیں خریدنے کے خواہشمندوں کیلئے بڑی خوشخبری کا امکا ن ہے ۔
تفصیلات کے مطابق بجٹ میں 850 سی سی سے چھوٹی گاڑیوں پر ٹیکس کم کرنے کا فیصلہ کیا گیاہے جبکہ چھوٹی گاڑیوں پر سیلز ٹیکس ، ایکسائز ڈیوٹی اور ایڈیشنل کسٹمز ڈیوٹیاں کرنے کی تجویز دی گئی ہے ۔جس سے ممکنہ طور پر گاڑیوں کی قیمتوں میں بھی کمی واقع ہو گی ۔ صرف یہی نہیں بلکہ نئی موٹر سائیکل کے مختلف برانڈز پر اور ٹریکٹر کے نئے ماڈلز پر بھی ٹیکس کم کرنے کی تجویز ہے ۔