اٹماٹر ،ادرک،سبز مرچ ،لیموں کی قیمتوں میں ہوشربا اضافہ

      لاہور (لیڈی رپورٹر)مہنگائی کا راج مارکیٹوں پر برقرار ہے۔ اشیائے خورونوش کی قیمتوں میں اضافہ نہ رک سکا۔ کھانے پینے کی اشیا کے دام عوام کی جیبوں پر بدستور بھاری پڑنے لگے۔ برائلر سستا ہو کر بھی عوام کی قوت خرید سے باہر ہے۔ برائلر 15روپے کمی کے بعد 633 روپے کلو مقرر ہے۔ سرکاری ریٹ لسٹ میں 12 سبزیاں مہنگی ،مزید مہنگی فروخت کی جانے لگیں۔ ٹماٹر 7 روپے مہنگا ہو کر 35روپے فی کلو مقرر، درجہ اول ٹماٹر کی فروخت 60روپے فی کلو تک جاری ہے۔ ادرک کی قیمت 10 روپے بڑھا کر 735 روپے کلو کر دی، مارکیٹ میں 820 روپے فی کلو تک فروخت، سبز مرچ 4روپے بڑھا کر 74 روپے کلو ہو گئی لیکن فروخت 100 روپے فی کلو کی جا رہی ہے۔ لیموں، بینگن، کریلے، بھنڈی، پھول گوبھی اور مٹر 10 روپے فی کلو مہنگے ہوئے۔شہری کہتے ہیں اب نہ سبزی خریدی جا سکتی ہے نہ برائلر، کچھ سبزیاں سستی ہوئی بھی ہیں تو مہنگائی پھر بھی کنٹرول نہیں ہو رہی ہے۔پھلوں اور انڈوں سمیت موسمی سبزیوں کے دام انتظامیہ کے دعوو¿ں کے باوجود کنٹرول نہیں ہو سکے۔