عمران اور انکی پارٹی نے پاکستان کیخلاف بیرون ملک زہریلی مہم چلا رکھی ہے : بیر سٹرامجد ملک کارشی سونک کو خط 

لندن/اسلام آباد(این این آئی)بیرسٹر امجد ملک نے برطانوی وزیراعظم رشی سوناک کو پاکستان کی صورت حال پر تفصیلی خط لکھ دیاہے ، خط کا مقصد چیئرمین پی ٹی آئی کی جانب سے پاکستان کے خلاف شروع کی گئی بدنیتی کو واضح کرنا تھا۔ خط کی تفصیلات کے مطابق بیرسٹر امجد ملک نے کہاکہ پی ٹی آئی نے مسلسل ہر سطح پر، اندرون ملک اور بیرون ملک دونوں سطحوں پر پاکستان مخالف زہریلی مہم چلائی ،9 مئی 2023 کو سیاسی پشت پناہی پر بلوائیوں نے ملکی اہم تنصیبات کو جلا دیا،شرپسندوں نے بابائے قوم کی رہائش گاہ جناح ہاو¿س جیسی یادگاروں کی بے حرمتی کی اور اسے نذر آتش کیا۔ بیرسٹر امجد ملک نے کہاکہ افسوس کے ساتھ کہنا پڑتا ہے کہ 9 مئی 2023 کا دن پاکستان کی تاریخ میں سیاہ دن کے طور پر یاد رکھا جائے گا،تمام طبقہِ فکر نے متفقہ طور پر 9 مئی 2023 کو ہونے والے فسادات اور آتش زنی کی مذمت کی،،چیئر مین پی ٹی آئی کو 9 مئی کو پاکستان کے قومی احتساب بیورو نے 190 ملین پاو¿نڈ کے کرپشن کیس میں گرفتار کیا تھا۔ بیرسٹر امجد ملک کے مطابق چیئرمین پی ٹی آئی نے کارکنوں اور دہشت گردوں کو کارروائیوں کے لیے منظم کیا اور اکسایا،شر پسندوں کے فسادات کو روکنے میں قانون نافذ کرنے والے اداروں نے تحمل کا مظاہرہ کیا۔ بیرسٹر امجد ملک نے کہاکہ گرفتار کیے گئے تمام افراد کو عدالتوں کی طرف سے بروقت علاج کا مکمل حق دیا جا رہا ہے۔ بیرسٹر امجد ملک نے کہاکہ ان فسادیوں کے خلاف فوجداری ایکٹ کے تحت مقدمہ چلایا جائے گا جنہوں نے فوجی تنصیبات کو نقصان پہنچایا۔
امجد ملک