دباﺅ کم ہوگیا،ڈالر کا ذخیرہ 4بلین ڈالر پر مستحکم ،پاکستان روپے کی قدر میں مزید کمی نہیں رکریگا:فچ

     کراچی(این این آئی)بین الاقوامی ریٹنگ ایجنسی فِچ نے کہاہے روپے پر دباﺅ کم ہونے کی وجہ سے پاکستانی کرنسی کی دوبارہ قدر میں کمی کا امکان نہیں ہے۔فِچ کے ہانگ کانگ میں مقیم ڈائریکٹر کرسجنیس کرسٹینز نے بلومبرگ کی ایک ای میل میں کیے گئے سوالات کے جواب میں کہا ہمیں فی الحال پاکستانی روپے کی قدر میں مزید کمی کی توقع نہیں ،اگرچہ پچھلے کچھ ماہ میں روپیہ بہت مستحکم حالت میں ہے، لیکن سٹیٹ بینک کے ذخائر پر دباﺅ برقرار ہے جو روپے کے استحکام کیلئے کم سے کم مداخلت تجویز کرتا ہے۔رپورٹ کے مطابق آئی ایم ایف نے کہا ہے وہ بیل آﺅٹ پروگرام کو دوبارہ شروع کرنے سے پہلے پاکستانی کرنسی مارکیٹ اور دیگر مسائل کو حل کرنے کےلئے حکام کےساتھ کام کر رہا ہے ۔ جنوری میں حکام کی جا نب سے کرنسی کی قدر میں کمی کے بعد اس سال روپیہ 20فیصد سے زیادہ گرا ہے، جس نے اسے عالمی سطح پر بدترین کارکردگی دکھانے والی کرنسیوں میں شامل کردیا ہے۔گزشتہ 12 مہینوں میں 50 فیصد سے زیادہ نیچے آنے کے بعد بعد فروری کے آخر سے ملک میں ڈالر کا ذخیرہ تقریبا 4 بلین ڈالر پر مستحکم ہے۔رپورٹ میں مزید کہا گیا ہے سپلائی کی قلت سے دوچار معیشت کو سہارا دینے اور ڈیفالٹ کو روکنے کےلئے فنڈز اہم ہوں گے، جبکہ اربوں ڈالرز کے قرض کی ادائیگی بھی قریب آرہی ہے۔
فچ