9 اور 10 مئی واقعات میں ملوث کرداروں کوسزا ملنی چاہئے،پاکستان کو مستحکم کرنا ہے تو قوم کو مکمل سچ بتاناہوگا، جاوید لطیف

لاہور(ڈیلی پاکستان آن لائن)مسلم لیگ ن کے رہنما جاوید لطیف کاکہناہے کہ 9 اور 10 مئی کے واقعات میں جس کا جوکردار ہے اسے سزا ملنی چاہئے ،پاکستان کو مستحکم کرنا ہے تو قوم کو مکمل سچ بتاناہوگا۔
پریس کانفرنس کرتے ہوئے جاوید لطیف نے کہاکہ مجھے اس سے سروکار ہے کہ وقت مقررہ پر الیکشن ہوں،جن سے زیادتی ہوئی اس کا ازالہ کیا جائے،ان کاکہناتھا کہ 9 اور 10 مئی کے واقعات میں جس کا جوکردار ہے اسے سزا ملنی چاہئے ،پاکستان کو مستحکم کرنا ہے تو قوم کو مکمل سچ بتاناہوگا۔
لیگی رہنما نے کہاکہ عدلیہ، ارشد شریف شہید کی والدہ کی آواز سنے،قتل قتل ہے، قاتل قاتل ہے، جرم سب کیلئے ایک جیسا ہے،جو جو قصوروار ہے اسے سزا ملنی چاہئے،ان کاکہناتھا کہ حقیقت بیان نہ کی گئی تو ملک نہیں چلے گا،دہشتگرد کو دہشتگرد، سیاستدان کو سیاستدان کہیں۔