کورونا کا خطرہ، آپ کو کتنی مرتبہ استعمال کے بعد اپنی جینز دھو لینی چاہیے؟ ماہرین نے بتادیا

کورونا کا خطرہ، آپ کو کتنی مرتبہ استعمال کے بعد اپنی جینز دھو لینی چاہیے؟ ...
کورونا کا خطرہ، آپ کو کتنی مرتبہ استعمال کے بعد اپنی جینز دھو لینی چاہیے؟ ماہرین نے بتادیا

  

دبئی(مانیٹرنگ ڈیسک) کورونا وائرس کا خوف ایسا ہے کہ لوگ جینز جیسے ملبوسات کے بارے میں بھی اس وسوسے کا شکار ہیں کہ آیا اسے ہر بار پہننے کے بعد دھونا چاہیے یا نہیں۔ اب ایک ماہر ڈاکٹر نے اس وسوسے کا جواب دے دیا ہے۔ گلف نیوز کے مطابق پرائم ہاسپٹل کے ڈاکٹر شیام راجا موہن نے بتایا ہے کہ کپڑوں کی دھلائی کے حوالے سے ہمیں اپنے معمول کو برقرار رکھنا چاہیے۔ جینز کی پینٹ کو دو سے تین بار پہننے کے بعد دھو لیا جائے تو کافی ہے۔“سینیٹائزر کے حوالے سے ڈاکٹر موہن کا کہنا تھا کہ ”اگر آپ کے پاس پانی اور صابن موجود نہیں ہے تو ایسی صورت میں ہاتھوں کی صفائی کے لیے سینیٹائزر استعمال کیا جا سکتا ہے لیکن یہ ذہن میں رکھیں کہ سینیٹائزر پانی اور اچھے صابن کا متبادل نہیں ہو سکتے۔ اکثر سینیٹائزر وائرس کا خاتمہ کرنے کی صلاحیت نہیں رکھتے۔ ایسے سینیٹائزر جن میں الکوحل 70فیصد یا اس سے زائد پائی جاتی ہو، صرف وہی کورونا وائرس کا خاتمہ کر سکتے ہیں۔ “

رپورٹ کے مطابق کچھ لوگ موبائل فونز کے متعلق بھی خدشات کا شکار ہیں کہ موبائل فون کے ذریعے بھی کورونا وائرس لاحق ہو سکتا ہے لیکن ڈاکٹر شیام راجا موہن کا کہنا ہے کہ ”موبائل فون چونکہ ایک ہی آدمی استعمال کرتا ہے لہٰذا اس کے ذریعے وائرس لاحق ہونے کا احتمال بہت کم ہے۔ اگر آپ کا موبائل فون کسی کورونا وائرس کے مریض کے پاس جاتا ہے تو پھر آپ کو اس سے وبا لاحق ہو سکتی ہے۔ عام صورت میں آپ کو ایسی سطحوں اور چیزوں کو چھونے سے گریز کرنا چاہیے جنہیں ایک سے زائد لوگ ہاتھ لگاتے ہیں۔پبلک ٹرانسپورٹ میں اس احتیاط کی خاص ضرورت ہے۔“

مزید :

ڈیلی بائیٹس -عرب دنیا -