’رسول اللہ ﷺ یا صحابہ کرامؓ صوفوں پر نہیں بیٹھے اس لیے میں صوفوں کو آگ لگا رہا ہوں‘ مولانا عبدالعزیز کی ویڈیو سوشل میڈیا پر وائرل
اسلام آباد (ڈیلی پاکستان آن لائن) لال مسجد کے خطیب مولانا عبدالعزیز نے یہ کہہ کر صوفوں کو آگ لگادی کہ رسول اللہ ﷺ اور صحابہ کرام رضوان اللہ علیہم اجمعین کبھی صوفوں پر نہیں بیٹھے۔
سوشل میڈیا پر وائرل ویڈیو میں دیکھا جاسکتا ہے کہ مولانا عبدالعزیز دیا سلائی کے ساتھ صوفوں کو آگ لگا رہے ہیں، اس موقع پر کئی طلبہ اور اساتذہ بھی موجود تھے۔
مولانا عبدالعزیز نے کہا کہ رسول اللہ ﷺ اور صحابہ کرامؓ صوفوں پر بیٹھ کر فیصلے نہیں کیا کرتے تھے بلکہ زمین پر بیٹھا کرتے تھے ، انہوں نے اپنے گھر پر بھی یہ ترتیب بنائی ہے کہ زمین پر بیٹھا جائے۔ انہوں نے کہا کہ زمین پر بیٹھنے کا مقصد صحابہ کو مجاہد بنانا تھا، وہ بھی طلبہ کو مجاہد بنانا چاہتے ہیں اور مجاہد صوفوں پر نہیں بیٹھا کرتے۔
مولانا عبدالعزیز کی جانب سے صوفوں کو آگ لگائے جانے پر سوشل میڈیا صارفین کی جانب سے حیرت کا اظہار کیا جا رہا ہے۔ واصف عابدی نے یہ ویڈیو سامنے آنے کے بعد امید ظاہر کی کہ مولانا عبدالعزیز تمام جدید اشیا کو چھوڑ کر شریعت پر عمل کریں گے۔
#پاکستان :صوفے پر بیٹھنا جائز نہیں کیونکہ صحابہ کرام صوفے پر نہیں، زمین پر بیٹھا کرتے تھے۔
خطیب لال مسجد مولانا عبدالعزیز نے یہ بیان دیتے ہوئے سب کے سامنے صوفوں کو آگ لگا دی۔
امید ہے مولانا صاحب تمام جدید اشیاء چھوڑ کر #شریعت پر عمل کریں گے۔۔۔#MaulanaAbdulAziz #Pakistan pic.twitter.com/4LP2LwG7Gc
— Wasif Abidi (@AbidiCorner) March 10, 2021
ایک صارف نے لکھا ’ امید ہے مولانا صاحب اب اپنی گاڑیوں کو بھی اسی طرح سب کے سامنے آگ لگا کر اونٹ اور خچر پر سفر کیا کریں گے۔‘
صوفے پر بیٹھنا جائز نہیں کیونکہ صحابہ کرام رض صوفے پر نہیں، زمین پر بیٹھا کرتے تھے۔
خطيب لال مسجد مولانا عبدالعزیز نے یہ بیان دیتے ہوئے سب کے سامنے صوفوں کو آگ لگا دی۔ امید ہے مولانا صاحب اب اپنی گاڑیوں کو بھی اسی طرح سب کے سامنے آگ لگا کر اونٹ اور خچر پر سفر کیا کریں گے
— Agent Alpha (@syedalibehzad) March 10, 2021
