عزیر بلوچ کے خلاف قتل کیس میں اہم پیش رفت 

عزیر بلوچ کے خلاف قتل کیس میں اہم پیش رفت 

  

 کراچی(این این آئی)لیاری گینگ وار کے سرغنہ عزیر بلوچ کے خلاف قتل کیس میں اہم پیش رفت ہوئی ہے، عینی شاہدین نے کمرہ عدالت میں عزیر بلوچ کو پہچاننے سے انکار کر دیا۔بدھ کوکراچی کی انسداد دہشت گردی کی عدالت میں عزیر بلوچ کے خلاف قتل کیس کی سماعت ہوئی۔کیس کی سماعت کے دوران مدعی مقدمہ مقتول کے والد عبدالطیف سمیت 3 گواہوں نے بیانات ریکارڈ کروادیئے، جبکہ شناخت پریڈ کے دوران گواہوں نے عزیر بلوچ کو شناخت سے انکار کردیا۔مدعی مقدمہ نے کہا کہ میں نے اپنے بیٹے کے قتل میں عزیر بلوچ کو نامزد ہی نہیں کیا تھا۔پولیس نے کہا کہ عزیر بلوچ پر 2012 میں کلری میں علی محمد نامی شخص کو قتل کرنے کا الزام ہے۔عدالت نے آئندہ سماعت پر استغاثہ کو مزید گواہوں کو پیش کرنے کا حکم دیتے ہوئے مزید سماعت 20 مارچ تک ملتوی کردی۔

مزید :

صفحہ آخر -