پنجاب اسمبلی کے اپوزیشن ارکان کی بانی پی ٹی آئی کی رہائی کے لیے احتجاجی ریلی

لاہور (نمایندہ خصوصی) پنجاب اسمبلی کے اپوزیشن ارکان نے بانی پی ٹی آئی کی رہائی کے لیے پنجاب اسمبلی سے لاہور ہائی کورٹ تک احتجاجی ریلی نکالی اپوزیشن لیڈر احمد خان بھچر نے کہا یہ اعلانیہ نہیں غیر اعلانیہ مارشل لاء ہے جب تک بانی رہا نہیں ہوتے احتجاج کا سلسلہ جاری رہے گا۔

تفصیلات کے مطابق اپوزیشن ارکان نے پنجاب اسمبلی سیشن کے دوران احتجاجی ریلی نکالی جسکا مقصد بانی پی ٹی آئی کی رہائی تھا اس دوران تمام ارکان پنجاب اسمبلی سے پیدل چل کر ہائی کورٹ پُہنچے اور نعرے بازی کی۔ اپوزیشن لیڈر احمد خان بچھڑ نے وکلاء کے ساتھ مل کر میڈیا گفتگو کرتے ہوئے کہا 30 لاکھ بندہ مزید غربت کی لکیر سے نیچے چلا گیا ہے ۔انہوں نے کروڑوں روپے لگا کر 60 صفحات کا اشتہار جاری کیا اور میو اسپتال نے ان کی گڈ گورننس کا پول کھول دیا ہمارے وکلا ءنے پچھلے 2 سال میں جو قربانیاں دی ہیں ہم ان کو خراج تحسین پیش کرتے ہیں۔