کرکٹرزکی فیلڈ میں سلامتی کیلئے ریویوکے نتائج آج جاری ہونگے

سڈنی(آئی این پی) کرکٹ آسٹریلیا کی جانب سے کھلاڑیوں کی فیلڈ میں سلامتی کیلئے ہونے والے ریویو کے نتائج (آج)بدھ کو جاری کیے جائینگے۔آسٹریلوی بورڈ نے 2014 میں سرپر گیند لگنے کی وجہ سے فل ہیوز کی المناک موت کے بعد خصوصی ریویو کمیشن کا اعلان کیا جو میلبورن کے بیرسٹر ڈیوڈ کرٹین پرمشتمل تھا۔ ان کا کام فل ہیوز جیسے واقعات سے مستقبل میں بچنے کیلیے سفارشات تیار کرنا تھا، انھوں نے اپنی رپورٹ مکمل کرلی جو اب ریلیز کی جائیگی۔واضح رہے کہ آسٹریلوی کرکٹرز پہلے ہی انگلینڈ میں بنے نئے ہیلمٹ استعمال کررہے ہیں جو اضافی گارڈز کی وجہ سے گردن کے عقبی حصوں کی بھی حفاظت کرتے ہیں۔