برطانوی کونسل کارکن منتخب ہونے کے بعد بھی بائبل پر حلف نہیں لیا تھا :صادق خان

برطانوی کونسل کارکن منتخب ہونے کے بعد بھی بائبل پر حلف نہیں لیا تھا :صادق خان

لندن (این این آئی)لندن کے نومنتخب میئر صاد ق خان نے کہاہے کہ برطانوی کونسل کارکن منتخب ہونے کے بعد مجھے بائبل پرحلف لینے کے لیے کہاگیا کہ مگر میں نے جواب دیا کہ میں صرف قرآن مجید پر حلف لیتا ہوں، میں مسلمان ہوں،برطانوی اخبار کودیئے گئے انٹرویومیں لندن کے میئر نے کہاکہ ملکہ کے محل میں ہمیشہ بائبل پر حلف لیا جاتا تھا۔ منتظمین کو اس بات پر حیرانی ہوئی کہ پہلی دفعہ کوئی قرآن مجید پر حلف لینے پر اصرار کر رہا تھا تاہم انہوں نے کہا ہمارے پاس قرآن مجید نہیں ہے۔ آپ اسے اپنے ساتھ لے آئیے۔صادق خان کا کہنا تھا کہ وہ حلف کی تقریب میں اپنے ساتھ قرآن مجید لے کر گئے اور اسی پر حلف لیا۔ جب تقریب ختم ہوئی تو قرآن مجید ان کے حوالے کیا گیا، لیکن انہوں نے کہا نہیں، میں اسے واپس نہیں لے جانا چاہتا۔ کیا میں اسے اگلے شخص کے لئے یہاں چھوڑ سکتا ہوں۔صادق خان نے کہاکہ انہوں نے خود قرآن مجید پر حلف لیا اور پھر اس کتاب مقدس کو برطانوی شاہی محل میں خصوصی طور پر رکھوا کر آئے، تاکہ ان کے بعد جب بھی کوئی مسلمان حلف لینے کے لئے شاہی محل آئے تو اسے بائبل کی پیشکش نہ کی جائے۔

مزید : صفحہ اول


loading...