سیکرٹری خزانہ سے برآمد رقم میں 26کروڑ میرا تھا ، سہیل مجید

سیکرٹری خزانہ سے برآمد رقم میں 26کروڑ میرا تھا ، سہیل مجید

 کراچی(اسٹاف رپورٹر)بلوچستان میگا کرپشن اسکینڈل میں ملوث کراچی سے گرفتار ملزم کا ابتدائی بیان قلم بند کرلیا گیا ہے ۔ سیکرٹری خزانہ بلوچستان کے سہولت کار سہیل مجید شاہ نے انکشاف کیا ہے کہ مشتاق رئیسانی کے گھر سے برآمد ہونے والی رقم میں 26 کروڑ ملزم کا حصہ تھا ۔ بلوچستان میں کرپشن کے میگا اسکینڈل کے خلاف نیب کی کارروائیاں جاری ہیں ، کراچی کے علاقے ڈیفنس سے گرفتار ٹھیکیدارسہیل مجید شاہ کا ابتدائی بیان قلم بند کرلیا گیا ہے ، ملزم نے انکشاف کیا ہے کہ سیکرٹری خزانہ بلوچستان کے گھر سے برآمد ہونے والی رقم میں 26 کروڑ ملزم کا حصہ تھا ۔ سرکاری خزانے سے ملنے والی رقم کو چار حصوں میں تقسیم کیا گیا ۔ رقم قلات میں ترقیاتی منصوبوں کے نام پر حاصل کی گئی ، ڈیڑھ ارب روپے کا منصوبہ تھا اور سیاسی سفارش پر ٹھیکہ حاصل کیا گیا ۔ ملزم نے انکشاف کیا ہے کہ کرپشن اسکینڈل میں اہم سیاسی شخصیات بھی ملوث ہیں ۔ نیب ترجمان کے مطابق کراچی سے گرفتار ہونے والے سہیل مجید شاہ کو جلد نیب بلوچستان کے حوالے کیا جائے گا۔

مزید : کراچی صفحہ آخر


loading...