" میرا بیٹا بہت خوش ہے کہ اب وہ کرکٹ اور فٹ بال کھیل سکتا ہے لیکن صرف میرے ساتھ " جمائما نے وزیراعظم پر طنز کے نشتر چلادیئے
لندن (ویب ڈیسک) وزیر اعظم پاکستان عمران خان کی سابق اہلیہ جمائما گولڈ اسمتھ کا کہنا ہے کہ ان کا بیٹا بہت خوش ہے کہ اب وہ کرکٹ اور فٹبال کھیل سکتا ہے۔واضح رہے کہ برطانوی وزیر اعظم بورس جانسن نے اپنے ایک بیان میں اعلان کیا تھا کہ ’عالمی وبا کی صورتحال میں عوام اپنے گھروں میں اہل خانہ کے ساتھ کرکٹ کھیل سکتے ہیں۔‘
My son is very relieved he can now play football & cricket... but only with me.
— Jemima Goldsmith (@Jemima_Khan) May 10, 2020
وزیر اعظم کے بیان پر طنزاً ٹوئٹ کرتے ہوئے جمائما کا کہنا تھا کہ ’ان کا بیٹا یہ سن کر بہت خوش ہے کہ وہ کرکٹ اور فٹبال کھیل سکتا ہے، لیکن صرف میرے ساتھ۔‘
Sad. He should have normal life and pursue his interests.
— Amir Mateen (@AmirMateen2) May 10, 2020
جمائما کے اس ٹوئٹ کے ردعمل میں انہیں بچے کا ضرورت سے زیادہ تحفظ کرنے پر تنقید کا نشانہ بنایا جانے لگا جس پر انہوں نے وضاحت پیش کی کہ یہ محض ایک مذاق تھا۔
Not at all. I think you are rated as the best mom. Can’t think of anybody who enjoys as much empathy as you. Pl go ahead and handle your kids the way you want to. You will be loved either way https://t.co/LDQDvGyfq3
— Amir Mateen (@AmirMateen2) May 10, 2020
واضح رہے کہ اپنے دلچسپ ٹوئٹس کے باعث جمائما آئے روز پاکستان میں خبروں کی زینت بنتی رہتی ہیں، یہ کہنا غلط نہ ہوگا کہ انہیں خبروں میں رہنے کا فن خوب آتا ہے۔
اس سے قبل جمائما نے اپنے سوشل میڈیا پیغام میں تمام پاکستانیوں کے لیے کورونا جیسے وبائی مرض سے لڑنے کا حوصلہ بڑھاتے ہوئے محبت اور سلام بھیجا تھا۔ جمائما اور عمران خان کی شادی 1995 میں ہوئی تھی جبکہ 2004 میں جوڑی نے علیحدگی اختیار کرلی تھی۔جمائما اور عمران خان کے 2 بیٹے سلیمان اور قاسم ہیں، جو اس وقت لندن میں زیر تعلیم ہیں اور اپنی والدہ جمائما گولڈ اسمتھ کے ہمراہ رہتے ہیں۔