بڑے مسلم ملک میں بچوں کو نقد عیدی دینے پر پابندی عائد کر دی گئی 

بڑے مسلم ملک میں بچوں کو نقد عیدی دینے پر پابندی عائد کر دی گئی 
بڑے مسلم ملک میں بچوں کو نقد عیدی دینے پر پابندی عائد کر دی گئی 

  

دبئی سٹی (ڈیلی پاکستان آن لائن )متحدہ عرب امارات میں عیدالفطر کے دوران کرونا وبا کے پیش نظر بچوں کو نقد عیدی دینے پر پابندی عائد کردی ہے ۔

 نیشنل ایمرجنسی کرائسز اینڈ ڈیزاسٹر منیجمنٹ اتھارٹی کے مطابق عیدالفطر کے دوران کرونا وبا کے پیش نظر پانچ احتیاطی تدابیرکا اعلان کیا گیا ہے، جس میں اہم بات بچوں کو نقد عیدی دینے پر پابندی عائد کردی گئی ہے۔امارات میں صحت کے شعبے کے ترجمان ڈاکٹر فریدہ الحوسنی نے بتایا کہ رواں سال عید الفطر کے موقع پر5 ایس اوپیز کا اعلان کیا گیا ہے۔ 

بچوں میں عید تقسیم کرنے سے پرہیز کی ہدایت کی گئی ہے جبکہ بینکوں کے ذریعے بھی عیدی کے لین دین پرپابندی ہوگی تاہم آن لائن ذرائع استعمال کیے جاسکتے ہیں۔ ضعیف اور بیماری میں مبتلا افراد کے ساتھ بیٹھتے وقت ماسک پہننے اور سماجی فاصلہ کو یقینی بنانے کی ہدایت کی گئی ہے۔ اجتماعات سے پرہیز اور لوگوں کو عید اپنے گھروں میں گزارنے کی تاکید کی گئی ہے۔

 پڑوسیوں کے مابین تحائف اور کھانے پینے کے تبادلے سے منع کیا گیا ہے۔ رشتہ داروں اوردوستوں کو ویڈیو کال کےذریعے عید کی مبارکباد پیش کرنے کا آپشن اختیار کرنے پر زور دیا گیا ہے۔

مزید :

عرب دنیا -