’اسرائیل کا بچوں اور نہتے سویلین کو نشانہ بنانا بد ترین دہشت گردی ہے ‘ نواز شریف بھی میدان میں آگئے
لندن(ڈیلی پاکستان آن لائن )فلسطین پر اسرائیل کے فضائی حملوں سے بچوں سمیت کئی افراد شہید اور درجنوں زخمی ہو چکے ہیں اس پر دنیا بھر میں بحث جاری ہے ۔اس حوالے سے سابق وزیراعظم نواز شریف کا بیان بھی سامنے آگیا ہے ۔مائیکرو بلاگنگ ویب سائٹ ٹوئٹر پر انہوں نے کہا کہ فلسطینیوں کی حالت زار پر دنیا بہت لمبے عرصے سے غفلت برتی رہی ہے۔ ان کا کہنا تھاکہ اسرائیل کی جانب سے بچوں اور غیر مسلح شہریوں کو نشانہ بنانابد ترین دہشت گردی ہے۔ نواز شریف نے مزید کہا کہ میں مسجد اقصیٰ اور غزہ میں اس بربریت کی شدید مذمت کرتا ہوں،یہ مناظر دیکھ کر میرا دل بھر آیا ہے ،دنیا کہ اس معاملے پر فوری ایکشن لینا چاہیے ۔
The world has been criminally negligent to the plight of Palestinians for too long. Israel targeting children & unarmed civilians is terrorism at its worst. I strongly condemn this brutality in Al Aqsa Mosque & Gaza. My heart goes out to the victims. The world must act & act NOW pic.twitter.com/wR5NHgvRZI
— Nawaz Sharif (@NawazSharifMNS) May 11, 2021
واضح رہے کہ اسرائیل کی جانب سے فلسطین پر فضائی حملوں میں شہید ہونے والوں کی تعداد24 ہوگئی ہے جبکہ 180 سے زیادہ افرادزخمی ہیں۔اسرائیل کی طرف سے اب تک 130 حملے کیے جاچکے ہیں جن میں رہائشی عمارتوں اور دفاتر کو نشانہ بنایا گیا ہے۔شہید اور زخمی ہونے والوں میں بچوں کی بڑی تعداد بھی شامل ہے۔حملوں میں حماس کے 15 کمانڈرز بھی شہید ہوئے ہیں۔فلسطینی صدرمحمودعباس نے غزہ پر اسرائیلی حملوں کی مذمت کی ہے اور عید کی تقریبات منسوخ کردیں ہیں۔ ان کا کہنا ہے کہ عالمی برادری فلسطینیوں کےخلاف اسرائیلی جرائم روکنے کےلیے فوری اقدامات کرے۔