محمد حسنین کے بولنگ ایکشن پر دوبارہ کا م شروع 

محمد حسنین کے بولنگ ایکشن پر دوبارہ کا م شروع 

  

لاہور(سپورٹس رپورٹر) پاکستان کرکٹ بورڈ  نے قومی کرکٹر محمد حسنین کے بولنگ ایکشن کی درستگی کے لیے دوبارہ کام شروع کردیا۔میڈیا رپورٹس کے مطابق نیشنل ہائی پرفارمنس سینٹر (این ایچ پی سی) میں عید کی چھٹیوں کے بعد محمد حسنین کے بولنگ ایکشن پر کوچز نے دوبارہ نظرثانی کی۔رپورٹس میں کہا گیا ہے کہ بورڈ حکام کا کہنا ہے کہ مکمل طور مطمئن ہونے کے بعد ہی محمد حسنین کے بولنگ ایکشن کی جانچ کے لیے پی سی بی آئی سی سی سے رابطہ کرے گا۔اس سے قبل گزشتہ ماہ اپریل کے اختتام پر خبریں گردش کررہی تھیں کہ محمد حسنین نے اپنا بولنگ ایکشن آئی سی سی قوانین کے مطابق 15 ڈگری کے اندر کرلیا ہے۔حسنین کا بولنگ ایکشن جنوری میں آسٹریلیا میں بگ بیش لیگ (بی بی ایل) کے ایک میچ کے دوران مشکوک قرار دیدیا گیا تھا۔ جس کے بعد پیسر کو پی ایس ایل میچز کھیلنے پر پابندی کا سامنا کرنا پڑا تھا۔واضح رہے کہ محمد حسنین پاکستان کی طرف سے 8 ون ڈے انٹرنیشنل اور 18 ٹی 20 انٹرنیشنل میچوں میں مجموعی طور پر 29 وکٹیں  لے چکے ہیں۔

مزید :

کھیل اور کھلاڑی -