عمران خان کا پارٹی رہنماؤں کے  عمرہ پر جانے پر شدید برہمی کا اظہار 

عمران خان کا پارٹی رہنماؤں کے  عمرہ پر جانے پر شدید برہمی کا اظہار 

  

 اسلام آباد (این این آئی) پاکستان تحریک انصاف کے چیئر مین سابق وزیر اعظم عمران خان نے موجودہ حالات میں پی ٹی آئی رہنماؤں کے عمرہ پر سعودی عرب جانے پر شدید برہمی کا اظہار کرتے ہوئے کہا ہے کہ ایک ایک گھنٹہ قیمتی ہے،یہ عمرہ پر جانے کا وقت نہیں تھا اس حوالے سے سربراہ پی ٹی آئی کی ایک ویڈیو سوشل میڈیا اور ٹی وی چینلز پر وائرل ہوگئی ہے جس میں ایک تقریب کے دور ان عمران خان کہہ رہے ہیں کہ جو جو گیا ہے مکہ مدینہ،جتنے ہمارے لوگ عمرے پہ گئے ہیں یہ ٹائم نہیں تھا عمرے پہ جانے کا۔ اس موقع پر سابق وزیر اعظم نے یہ مصرعہ بھی پڑھا کہ ”ناداں گرگیا سجدے میں جب وقت قیام آیا“۔ انہوں نے سابق وزیر شہر یار خان آفریدی کو مخاطب کرتے ہوئے کہاکہ شہر یار یہ ٹائم تھا یہاں۔۔۔۔۔ مجھے نہیں شوق عمرے پہ جانے کا باہر؟عمران خان نے کہاکہ میں یہاں کیوں اس دن کا بیٹھا ہوا ہوں،ایک ایک گھنٹہ اہم ہے۔

عمران خان

مزید :

صفحہ اول -