مائیکرو سافٹ کے بانی بل گیٹس بھی کورونا وائرس سے متاثر
واشنگٹن(ڈیلی پاکستان آن لائن )مائیکروسافٹ کے بانی بل گیٹس بھی کورونا وائرس کا شکار ہو گئے ،بل گیٹس نے گزشتہ روز کورونا ٹیسٹ کرایا جو مثبت آیا ہے ۔
بل گیٹس نے سماجی رابطے کی ویب سائٹ ٹویٹر پر بتایا کہ میرا کورونا ٹیسٹ مثبت آیا ہے ، میں کوروناکی اثرات محسوس کر رہا ہوں ، مائیکروسافٹ کے بانی کا کہنا تھا کہ میں ڈاکٹر کی ہدایت پر عمل کر رہا ہوں اور میں جب تک صحت مند نہیں ہو جاتاتب تک قرنطینہ رہوں گا۔
I've tested positive for COVID. I'm experiencing mild symptoms and am following the experts' advice by isolating until I'm healthy again.
— Bill Gates (@BillGates) May 10, 2022
بل گیٹس نے ایک اور ٹوئٹ میں کہا ”میں خوش قسمت ہوں کہ ویکسینیشن ہوچکی ہے اور مجھے ٹیسٹنگ اور بہترین طبی سہولیات تک رسائی حاصل ہے“۔
I'm fortunate to be vaccinated and boosted and have access to testing and great medical care.
— Bill Gates (@BillGates) May 10, 2022
بل گیٹس کی جانب سے کووڈ سے متاثر ہونے کا اعلان اس وقت کیا گیا جب حال ہی میں انہوں نے ایک انٹرویو میں کہا تھا کہ ان کی دولت نے انہیں اور ان کے پیاروں کو کورونا وائرس سے بچانے میں مدد فراہم کی۔
انہوں نے کہا 'میرے پاس مثالی انٹرنیٹ، بڑے گھر، ایک نجی جہاز ہے جس کے باعث بیمار ہونے کا خطرہ صفر فیصد ہے'۔
بل گیٹس نے یہ واضح نہیں کیا کہ وہ کووڈ 19 سے متاثر کیسے ہوئے مگر انہوں نے کہا کہ ہم اپنے شراکت داروں کے ساتھ مل کر کام جاری رکھیں گے اور اس بات کو یقینی بنائیں گے کہ ہم سب کو دوبارہ کبھی کسی وبا کا سامنا نہ ہو۔
We will continue working with partners and do all we can to ensure none of us have to deal with a pandemic again.
— Bill Gates (@BillGates) May 10, 2022
