زندگی میں کبھی بھی امید کا دامن نہیں چھوڑنا چاہیے،صبا ء قمر

 لاہور(فلم رپورٹر) اداکارہ صباء قمر نے کہا ہے کہ ہر نیا دن نئی امید اور نئی انرجی لے کر آتا ہے۔ انہوں نے کہا کہ زندگی میں کبھی بھی امید کا دامن نہیں چھوڑنا چاہیے اور ہمیشہ اچھے کی امید رکھیں اور اچھا سوچیں۔ انہوں نے کہا کہ یہ امید ہی ہے جو ہمیں جینے کاحوصلہ فراہم کرتی ہے اور جب ہم ناامید ہو جاتے ہیں تو زندگی بے رنگ اور پھیکی ہو جاتی ہے مزید کہا کہ میں نے اب تک جتنا بھی کام کیا ہے اس کو شائقین کی جانب سے بہت پسند کیا گیا ہے اور اس کی مجھے بہت خوشی محسوس ہوتی ہے۔