پاکستان میں ماحولیات کو نئے تعلیمی نصاب میں لازمی مضمون بنایا جائے:مونس الٰہی نے مطالبہ کردیا
لاہور (ویب ڈیسک) پاکستان میں ماحولیات کوتعلیمی نصاب میں لازمی مضمون بنایا جائے۔ نئے قومی تعلیمی سلیبس میں ہر سطح پر طالب علموں کو موسمی تبدیلی اور اس سے نبرد آزما ہونے کی تعلیم اور عملی تربیت آج فراہم کرنے سے ہی ہم اپنا کل محفوظ اور بہتر رکھ سکیں گے۔ نوجوان نسل کو ماحولیات کی تعلیم ویسے ہی دی جائے جیسے اردو، انگریزی،سائنس وغیرہ کے لازمی مضامین کی دی جاتی ہے۔
ان خیالات کا اظہار پاکستان مسلم لیگ کے سینئر رہنما اور ممبر قومی اسمبلی مونس الٰہی نے ایکو فرینڈز پاکستان کی ماحول دوست و آگاہی مہم پر ٹیم لیڈر ایکو فرینڈ زرضوان ممتاز علی سے تفصیلی بریفنگ کے بعد کیا۔ مونس الٰہی نے کہا کہ پاکستان مسلم لیگ پاکستان کی واحد سیاسی جماعت ہے جس نے پاکستان میں ماحول کی بہتری اور موسمی تبدیلی سے بچاؤ کے لیے اہم ترین عملی اقدامات اور پالیسی سازی کی ہے۔ اس امر کے معترف نہ صرف پاکستان کے عوام بلکہ بین الاقوامی ادارے بھی ہیں۔
سینئر رہنما پاکستان مسلم لیگ مونس الٰہی نے ایکو فرینڈز گوجرانوالہ کی اپنے شہر کے تعلیمی اداروں میں بے مثال ماحول دوست و آگاہی مہم کو بے حد سراہا اور ٹیم کو مبارک باد دی۔ بریفنگ میں احمد فاران خان، سید شاکر حسین شاہ اور شمائل عباس بھی موجود تھے۔یہی مطالبہ انہوں نے مائیکرو بلاگنگ ویب سائٹ ٹوئٹر پر اپنی ایک ٹوئیٹ میں بھی دہرایا۔
