پاکستان کرکٹ بورڈ نے رضوان اور شعیب ملک کی صحت سے متعلق اہم بیان جاری کر دیا
لاہور (ویب ڈیسک) پاکستان کرکٹ بورڈ نے قومی ٹیم کے دو اِن فارم بلے بازوں شعیب ملک اور محمد رضوان کی صحت سے متعلق اچھی خبر سنادی۔
نجی ٹی وی جیو نیوز کے مطابق پاکستان کرکٹ بورڈ کی جانب سے جاری بیان میں کہا گیا ہےکہ وکٹ کیپر بیٹر محمد رضوان اور آل راؤنڈر شعیب ملک کی صحت میں بہتری آئی ہے اور دونوں کھلاڑی بہت بہتر محسوس کررہے ہیں۔پی سی بی کا کہنا ہےکہ میڈیکل پینل دوپہر کے اوقات میں دونوں کھلاڑیوں کا دوبارہ جائزہ لے گا۔
واضح رہےکہ پاکستان اور آسٹریلیا کے درمیان میچ سے قبل یہ خبر سامنے آئی تھی کہ قومی ٹیم کے دو کھلاڑی محمد رضوان اور شعیب ملک کو نزلے اور بخار کی شکایت ہے اور دونوں کی آج کے سیمی فائنل میں شرکت مشکوک ہے۔ نیوز چینل کے مطابق فی الحال دونوں کھلاڑیوں کی طبیعت ایسی نہیں ہے کہ یہ آج کے میچ میں نہیں کھیل سکیں گے۔
