بیشتر میدانی علاقوں میں آج موسم گرم اور خشک رہیگا،محکمہ موسمیات
لاہور(کامرس رپورٹر)محکمہ موسمیات نے ملک کے بیشتر میدانی علاقوں میں موسم گرم اور خشک رہنے کی پیش گوئی کرتے ہوئے کہا ہے کہ مالاکنڈ ڈویژن ٗ گلگت بلتستان ٗکشمیر اور اس سے ملحقہ علاقوں میں بعض مقامات پر تیز ہواؤں اور گرج چمک کیساتھ بارش کا امکان ہے۔ محکمہ مو سمیات کے مطابق آئندہ 48گھنٹوں کے دوران ملک کے بیشتر علاقوں میں موسم گرم اور خشک رہے گا۔گزشتہ 24گھنٹوں کے دوران ملک کے بیشتر علاقوں میں موسم خشک رہا تاہم ملتان اور ڈی جی خان ڈویژن میں چند مقامات پر تیز ہواؤں اور گرج چمک کیساتھ بارش ہوئی ،سب سے زیادہ بارش پنجاب کے اضلاع کوٹ ادو 05 اور ڈی جی خان میں 01ملی میٹر ریکارڈ کی گئی۔
