اربازخان بھی رومانیہ کی حسینہ کو دل دے بیٹھے

اربازخان بھی رومانیہ کی حسینہ کو دل دے بیٹھے
 اربازخان بھی رومانیہ کی حسینہ کو دل دے بیٹھے

  

ممبئی(نیٹ نیوز)سلمان خان کافی عرصے سے رومانیہ سے تعلق رکھنے والی ماڈل لولیا ونتر کے اسیر ہیں لیکن اب ان کے بھائی ارباز خان بھی اسی ملک کی ایک اور حسینہ کی زلفوں کے اسیر ہوگئے ہیں۔وہ حسینہ سے محبت کی پینگیں بڑھارہے ہیں اور اس کا انہوں نے خود ہی اشارہ دیا ہے۔بھارتی میڈیا کے مطابق ارباز کا نام الگزینڈرا کیمریا نامی ایک خاتون سے جوڑا جارہا ہے جو اکثرسوشل میڈیا ویب سائٹ انسٹاگرام پوسٹس میں ان کے ساتھ دیکھی جارہی ہیں۔ دونوں کو چند روز قبل ممبئی کے ایک ہوٹل میں بھی ایک دوسرے کا ہاتھ تھامے دیکھا گیا تھا۔اپنے ایک حالیہ انٹرویو میں ارباز خان نے اشاروں کنایوں میں یہ بات تسلیم کی ہے کہ وہ کسی سے ملاقاتیں کررہے ہیں لیکن انہوں نے کسی بھی خاتون کا نام نہیں لیا۔واضح رہے کہ ارباز خان اور ملائکہ اروڑا خان کی 1997 میں شادی ہوئی تھی اور کم و بیش 20 برس بعد اس کا خاتمہ طلاق پر ہوا تھا۔

مزید :

کلچر -