جہانگیر ترین کی آف شور کمپنیاں جائز ،مجھ پردباؤبڑھانے کیلئے کیسزبنائے گئے ،نوازشریف نے 300ارب کاجواب نہیں دیااس لئے ان کونکالاگیا: عمران خان

جہانگیر ترین کی آف شور کمپنیاں جائز ،مجھ پردباؤبڑھانے کیلئے کیسزبنائے گئے ...
جہانگیر ترین کی آف شور کمپنیاں جائز ،مجھ پردباؤبڑھانے کیلئے کیسزبنائے گئے ،نوازشریف نے 300ارب کاجواب نہیں دیااس لئے ان کونکالاگیا: عمران خان

  

اسلام آباد(ڈیلی پاکستان آن لائن)پاکستان تحریک انصاف کے سربراہ عمران خان نے کہاہے کہ نوازشریف نے 300ارب کاجواب نہیں دیااس لئے ان کونکالاگیا،شاہدخاقان کوشرم آنی چاہئے کہ وہ ایک نااہل شخص کواپناوزیراعظم کہتے ہیں ،جہانگیرترین کی آف شورکمپنیاں جائزہیں ،انہوں نےٹیکس بچانے کیلئے آف شورکمپنیاں بنائیں ، مافیالوگوں کوخریدلیتاہے ،جب کسی کی قیمت نہیں لگتی تواس کے خلاف کیسزبنائے جاتے ہیں ،مجھ پردباؤبڑھانے کیلئے کیسزبنائے گئے ہیں۔

نجی ٹی وی چینل’’آج نیوز ‘‘ کو دیئے گئے خصوصی انٹرویومیں انہوں نے کہاکہ نوازشریف پوچھتے ہیں کہ انہیں کیوں نکالاگیا؟نوازشریف نے 300ارب کاجواب نہیں دیااس لئے انہیں نکالاگیا۔ انہوں نے کہاکہ پاکستان میں لوگ غیریقینی صورتحال کاشکارہیں،نوازشریف لوگوں کوخریدلیتاہے ،شریف خاندان نے دباؤمیں لانے کیلئے مجھ پرکیسزبنائے ،گارڈفادرلوگوں کوخریدلیتے ہیں اگرکسی کی قیمت نہ لگے یابکنے پرتیارنہ ہوتواس پردباؤڈالاجاتاہے اورکیسزبنائے جاتے ہیں ۔عمران خان نے کہاکہ اقامہ ملک سے پیسہ باہر لے جانے کاطریقہ ہے ،نوازشریف اقامہ کے ذریعے ملک سے پیسہ باہرلے کرگئے ۔انہوں نے کہاکہ نوازشریف اور آصف زرداری نے باریاں لگائی ہوئی ہیں، 1985ء کے بعدملک میں رشوت بڑھی توملک زوال کاشکارہوناشرو ع ہوگیا، جہانگیرترین کی آف شورکمپنیاں جائزہیں ،انہوں نےٹیکس بچانے کیلئے آف شورکمپنیاں بنائیں ،میں نے بھی اپنی آف شورکمپنی ٹیکس بچانے کیلئے بنائی ہے جوقانونی ہے ، پانامہ کی وجہ سے نوازشریف ماناکہ لندن فلیٹ ان کے ہیں لیکن ابھی تک نہیں بتایاکہ فلیٹ کس کی ملکیت ہیں ؟ مریم کے ہیں یاحسین نوازکے ہیں ؟ ۔انہوں نے کہاکہ وزیراعظم شاہدخاقان عباسی نے بہت مایوس کیا،وزیراعظم کہتے ہیں کہ نوازشریف ابھی بھی ان کے وزیراعظم ہیں ،شاہدخاقان عباسی کوشرم آنی چاہئے کہ ایک شخص جس کوسپریم کورٹ کے ججزنے نااہل کیااس کویہ اپناوزیراعظم کہتے ہیں۔انہوں نے کہاکہ میر ی جنگ شریف خاندان کے خلاف نہیں ،میری جنگ کرپشن کے خلاف ہے ،اگرشریف خاندان پرمنی لانڈرنگ ثابت ہوگئی توان کابیرون ملک تمام کاتمام پیسہ اورپراپرٹی منجمدہوجائے گی۔

مزید :

قومی -