بینظیر قتل کیس ، وفاقی حکومت، پیپلز پارٹی اور ملزمان کی اپیلیں سماعت کیلئے منظور

بینظیر قتل کیس ، وفاقی حکومت، پیپلز پارٹی اور ملزمان کی اپیلیں سماعت کیلئے ...

  

لاہور(مانیٹرنگ ڈیسک) سابق وزیراعظم بے نظیر بھٹو قتل کیس کے عدالتی فیصلے کے خلاف وفاق، پیپلز پارٹی اور ملزم پولیس افسران کی اپیلیں سماعت کیلئے مقرر کردی گئی ہیں۔لاہور ہائی کورٹ راولپنڈی بینچ نے انسداد دہشت گردی عدالت کے فیصلے کیخلاف تینوں فریقین کی اپیلوں کی سماعت 25 نومبر کو مقرر کردیں۔پیپلز پارٹی اور وفاق نے انسداد دہشت گردی عدالت کی جانب سے ملزمان کو سنائی جانے والی سزائیں بڑھا کر سزائے موت دینے کی اپیلیں دائر کر رکھی ہیں۔جب کہ ملزمان پولیس افسروں نے سزائیں کالعدم قرار دینے کیلئے لاہور ہائیکورٹ راولپنڈی بینچ میں اپیل دائر کی تھی۔ خیال رہے کہ انسداد دہشت گردی عدالت نے 31 اگست کو بے نظیر بھٹو قتل کیس کا فیصلہ سناتے ہوئے سابق ایس پی خرم شہزاد اور سابق سی پی او سعود عزیز کو مجموعی طور پر 17، 17 سال قید اور 5،5 لاکھ روپے جرمانے کی سزا سنائی تھی۔دوسری جانب لاہور ہائیکورٹ راولپنڈی بینچ سے سزا معطل ہونے کے بعد سابق ایس پی راولپنڈی خرم شہزاد کو ایس ایس پی اسپیشل برانچ کے عہدے پر بحال کر دیا گیا ہے۔

بینظیر کیس

مزید :

صفحہ اول -