الخدمت فاؤنڈیشن نے قدرتی آفات سے آگاہی کا قومی دن یومِ دعا کے طور پر منایا

الخدمت فاؤنڈیشن نے قدرتی آفات سے آگاہی کا قومی دن یومِ دعا کے طور پر منایا

  

لاہور(پ ر) الخدمت فاؤنڈیشن کے تحت بھی ملک بھر میں قدرتی آفات سے آگاہی کا قومی دن یومِ دعا کے طور پر منایا گیا۔اس حوالے سے ملک کے مختلف شہروں میں آگاہی واکس، سیمینارز اور دعائیہ تقریبات کا انعقاد کیا گیا جس میں الخدمت فاؤنڈیشن کے ذمہ داران سمیت طلبہ و طالبات اورزندگی کے مختلف شعبہ جات سے تعلق رکھنے والے افراد کی علاقہ کی کثیر تعداد نے شرکت کی۔الخدمت فاؤنڈیشن کے صدر محمد عبدالشکور نے اس موقع پر کہا کہ فلاحی اداروں نے بھی جس حد تک ممکن تھا زلزلہ زدگان کی خدمت کی۔الخدمت فاؤنڈیشن نے بھی زلزلہ زدگان کی بھر پور مدد کرکے خدمات کی ایک نئی تاریخ رقم کی اور 2005 ء کے زلزلے میں ریسکیو ،ریلیف اور ری ہیبلیٹیشن تمام مراحل میں خود کو پاکستان کے سب سے بڑے فلاحی ادارے کے طور پر منوایا۔

اس دن کو منانے کا مقصد 8 اکتوبر 2005 کے اس عظیم قدرتی سانحے کے نتیجے میں ضائع ہونے والی ہزاروں قیمتی انسانی جانوں کے ایصالِ ثواب کے لئے دعا کرنے کے ساتھ ساتھ قدرتی آفات کے دوران ان کا مردانہ وار مقابلہ کر نے اور جدید تقاضوں کے مطابق حکمت عملیاں اپنانے کے حوالے سے شعور اجاگر کرنا ہے۔

تاکہ زیادہ سے زیادہ جان و مال کے تحفظ کو یقینی بنایا جاسکے۔

مزید :

میٹروپولیٹن 4 -