حضرت علیؓ کے گھر چکّی کو کسی کی مدد کے بغیر چلتے دیکھا تو صحابیؓ نے یہ انہونی بات رسول کریم ﷺ سے بیان کی ،جواب میں آپﷺ نے ایک ایسی بات ارشادفرمائی کہ جسے جان کر قیامت تک آل محمد ﷺ اس پر فخر کرتی رہے گی

حضرت ابو ذر غفاری رضی اللہ تعالیٰ عنہ کا بیان ہے کہ حضوراقدس صلی اللہ تعالیٰ علیہ والہ وسلم نے مجھے حضرت علی رضی اللہ تعالیٰ عنہ کو بلانے کے لیے ان کے مکان پر بھیجا تو میں نے وہاں یہ دیکھا کہ ان کے گھر میں چکی بغیر کسی چلانے والے کے خود بخود چل رہی ہے۔

جب میں نے بارگاہ رسالتﷺ میں اس عجیب کرامت کا تذکرہ کیا تو حضور اقدس صلی اللہ تعالیٰ علیہ والہ وسلم نے ارشاد فرمایا ’’ اے ابو ذرؓ اللہ تعالیٰ کے کچھ فرشتے ایسے بھی ہیں جو زمین میں سیر کرتے رہتے ہیں، اللہ تعالیٰ نے ان فرشتوں کی یہ بھی ڈیوٹی فرما دی ہے کہ وہ میری آل کی امدادواعانت کرتے رہیں‘‘