د بئی(آئی این پی) آئی سی سی ویمنز ٹی ٹوئنٹی ورلڈ کپ میں پاکستان اور آسٹریلیا کے درمیان آج میدان لگے گا۔پاکستانی ویمنز کرکٹ ٹیم جیت کیلئے پرعزم ہے۔ کھلاڑیوں نے گزشتہ روز آئی سی سی اکیڈمی گراؤنڈ میں بھرپور پریکٹس کی۔ہیڈ کوچ محمد وسیم نے پریکٹس سیشن کو سپروائز کیا جبکہ اسٹنٹ و فاسٹ باولنگ کوچ جیند خان، سپن باولنگ کوچ عبدالرحمن اور فیلڈنگ کوچ حنیف ملک پریکٹس کرائی آج کے میچ کے حوالے سے قومی ویمن کرکٹ ٹیم کے ہیڈ کوچ محمد وسیم کا کہنا ہے کہ کھلاڑیوں نے اہم میچ کے لئے سخت محنت کی ہے یاد رہے کہ پاکستان کی ٹیم آج اپنا تیسرا میچ کھیلے گی اس سے قبل سری لنکا سے میچ میں کامیابی حاصل کی تھی جبکہ بھارت سے شکست کا سامنا کرنا پڑا تھا۔