ادلب میں بد ترین انسانی المیہ جنم لے سکتاہے ، اقوام متحدہ نے خبر دار کردیا

ادلب میں بد ترین انسانی المیہ جنم لے سکتاہے ، اقوام متحدہ نے خبر دار کردیا
ادلب میں بد ترین انسانی المیہ جنم لے سکتاہے ، اقوام متحدہ نے خبر دار کردیا

  

جینوا (ڈیلی پاکستان آن لائن) اقوام متحدہ نے خبر دار کیا ہے کہ ادلب میں فوجی کارروائی کے نتیجے میں رواں صدی کا سب سے بڑا نسانی المیہ جنم لے سکتاہے ۔

غیر ملکی نیوز ایجنسی کے مطابق اقوام متحدہ کے انسانی حقوق سے متعلق معاملات کے سربراہ کے مطابق باغیوں کے زیر قبضہ شامی صوبہ ادلب میں اگر بڑی فوجی کارروائی کی گئی تو اس کا نتیجہ اس صدی کے بدترین انسانی المیے کی صورت میں نکل سکتا ہے۔ مارک لوکوک نے جنیوا میں صحافیوں کو بتایا کہ ضرورت اس بات کی ہے کہ اس معاملے سے نمٹنے کے دیگر طریقے تلاش کیے جائیں ورنہ یہ 21ویں صدی میں انسانی جانوں کے سب سے بڑے زیاں کا سبب بن سکتا ہے۔ یہ بیان ایک ایسے وقت میں سامنے آیا ہے جب شامی فورسز اپنے اتحادیوں روس اور ایران کے ساتھ ادلب میں ایک بڑے فوجی آپریشن کی تیاری کر رہی ہیں جس کے مقصد ادلب کو باغیوں سے پاک کرناہے ۔

مزید : بین الاقوامی