گاہ درد و رنج و غم ،گاہ ارمان دل میں ہے

گاہ درد و رنج و غم ،گاہ ارمان دل میں ہے
ایک جانِ زار سو سو طرح کی مشکل میں ہے
چٹکیاں لینا، مچل جانا، بگڑنا، روٹھنا
ہائے اک کم سن کی کیا کیا یاد آتی دل میں ہے
اس قدر بے قدر ہے دِل تیرے کوچے میں صنم
جیسے ٹوٹا ہوا ساغرکسی محفل میں ہے
خون کے چھینٹوں میں بہارِ طرفہ آتی ہے نظر 
دامنِ گل چیں کا نقشہ دامنِ قاتل میں ہے
عاشقِ کاکل ہوا کیا حشر، آفت میں پھنسا
دل بلا میں ہے ، بلا گیسو میں، گیسو دل میں ہے

شاعر: حشرکاشمیری

Gaah Dard o Ranj o Gham, Gaah Armaan Dil Men Hay

Aik Jaan e Zaar Sao Sao Tarah Ki Mushkill Men Hay

Cutkiaan Lena, Machall Jaan, Bigharrna, Roothna

Haaey Ik Kamsin Ki Kaya Kaya Yaad  Aati Dil Men Hay

Iss Qadar BeQadr Hay Dil Teray Koochay Men Sanam

Jaisay Ik Toota Hua Saghar Kisi Mehfill Men Hay

Khoomn K Chheenton Men Bahar e Turfa Aati Hay Nazar

Daaman e Gull Cheen Ka Naqsha Daaman e Qaatil Men Hay

Aashiq e Kaakull Hua Kaya HASHR Aafat Men Phansa

Dil Balaa Men Hay, Balaa Gaisu Men , Gaisu Dil Men Hay

Poet: Hashr Kashmiri