اردن کی فوج کے گودام میں زورداردھماکہ، آتشزدگی ، 30کلومیٹر دورتک آواز سنی گئی 

اردن کی فوج کے گودام میں زورداردھماکہ، آتشزدگی ، 30کلومیٹر دورتک آواز سنی ...
اردن کی فوج کے گودام میں زورداردھماکہ، آتشزدگی ، 30کلومیٹر دورتک آواز سنی گئی 
کیپشن:    سورس:   creative commons license

  

ریاض، اردن(ڈیلی پاکستان آن لائن) اردن کے ایک ملٹری ویئرہاﺅس میں بجلی کے شارٹ سرکٹ کی وجہ سے جمعہ کی صبح زوردار دھماکہ ہوا اور آگ کے شعلے دکھائی دیئے ، جس کی تصدیق وزیرمملکت برائے اطلاعات امجد الدیلہ نے بھی کردی اوربتایا کہ شہر کے شمالی علاقے میں موجود اس گودام میں فوج کے ناکارہ مارٹرگولے پڑے تھے ۔ یہ واقعہ زرقاءشہر کے نواح میں پیش آیا۔ 

عرب نیوز کے مطابق آرمی نے کہا ہے کہ دھماکہ ایک ایمونیشن ڈیپو میں ہوا ہے تاہم کوئی جانی نقصان نہیں ہوا،یہ ڈیپو سویلین آبادی سے دور ہے اور ایسی اطلاعات ہیں کہ اس دھماکے کی آواز تیس کلومیٹر دورتک بھی سنائی دی ۔

سیکورٹی اداروں نے علاقے اور جائے حادثہ کی طرف جانیوالے تمام راستوں کی ناکہ بندی کر دی تا کہ شہری دفاع کا عملہ آسانی سے پہنچ کر آگ بجھانے کی کارروائی کر سکے اور تحقیقات کیلئے ایک کمیٹی قائم کردی گئی ۔ آرمی نے لوگوں کو ہدایت کی ہے کہ غیرمصدقہ اطلاعات پر کان نہ دھریں اور مزید تفصیلات بعد میں جاری کی جائیں گی ۔ 

ادھراردن میں سوشل میڈیا پر ویڈیو کلپس وائرل ہورہے ہیں جن میں دکھائی دیے جانے والے شعلوں کے بارے میں کہا جا رہا ہے کہ یہ دارالحکومت عمّان کے مشرق میں واقع شہر زرقاءکے واقعے کی ویڈیو ز ہیں۔

مزید :

عرب دنیا -