منال خان کی شادی، ایمن خان اور اہل خانہ آبدیدہ،ویڈیو سامنے آگئی

منال خان کی شادی، ایمن خان اور اہل خانہ آبدیدہ،ویڈیو سامنے آگئی
منال خان کی شادی، ایمن خان اور اہل خانہ آبدیدہ،ویڈیو سامنے آگئی
سورس: Instagram/ahsanmohsinikramofficial

  

ؒٓلاہور(مانیٹرنگ ڈیسک) اداکارہ منال خان اور احسن محسن اکرام گزشتہ دنوں ازدواجی بندھن میں بندھ گئے۔ ان کے نکاح پردلہن ہی نہیں، ان کی بہن ایمن خان اور دیگر گھر والے بھی آبدیدہ ہو گئے۔ نجی ٹی وی چینل 24نیوز کے مطابق جب منال اور احسن کا نکاح پڑھایا گیا تو ایمن خان سمیت منال کے تمام گھر والوں کی آنکھیں نم ہوگئی۔ منظرعام پر آنے والی ایک ویڈیو میں ایمن خان کو جذباتی ہوتے اور اپنی آنکھوں سے آنسو پونچھتے ہوئے دیکھا جا سکتا ہے۔

اس ویڈیو میں اداکار منیب بٹ، جو کہ منال خان کے بہنوئی ہیں، نکاح نامے پر دستخط لے رہے ہوتے ہیں اور ایمن خان ان کے ساتھ بیٹھی رو رہی ہوتی ہیں۔نکاح کے دوران بنائی گئی ایک اور ویڈیو میں خود دلہن کو بھی روتے ہوئے دیکھا گیا۔ اس ویڈیو میں سرخ عروسی جوڑے میں ملبوس منال خان جذبات پر قابو کھو دیتی ہیں اور آبدیدہ ہو جاتی ہے۔ اپنی دلہن کے آنسو دیکھ کر احسن محسن اکرام ٹشو لے کر خود اس کے آنسو صاف کرتے ہیں۔ 

مزید :

تفریح -