عبدالعلیم خان استعفے کی خبروں کے بعد خود  میدان میں آگئے ، ساری حقیقت کھول کر رکھ دی 

عبدالعلیم خان استعفے کی خبروں کے بعد خود  میدان میں آگئے ، ساری حقیقت کھول ...
عبدالعلیم خان استعفے کی خبروں کے بعد خود  میدان میں آگئے ، ساری حقیقت کھول کر رکھ دی 

  

لاہور(ڈیلی پاکستان آن لائن)سینئر صوبائی وزیر پنجاب اور پاکستان تحریک انصاف(پی ٹی آئی )کے مرکزی رہنما عبدالعلیم خان نےمیڈیا پر اپنے استعفے کی خبریں نشر ہونےکے بعد خود میدان میں آتے ہوئے ساری حقیقت بیان کردی ہے۔

تفصیلات کے مطابق مائیکرو بلاگنگ ویب سائٹ پر ٹویٹ کرتے ہوئے عبدالعلیم خان کا کہنا تھا کہ وزیر اعظم عمران خان سے میرا تعلق سیاسی نہیں بلکہ ذاتی اور برادرانہ ہے،مجھے فخر ہے کہ میں گزشتہ 10 برس میں تحریک انصاف کی’نئے پاکستان‘ کی جدوجہد میں عمران خان کے شانہ بشانہ کھڑا رہا،آج بھی عمران خان سے میرا تعلق سیاست سے ہٹ کرخالصتاً ذاتی اور برادرانہ ہے جو ہمیشہ رہے گا۔

انہوں نے کہا کہ میں نےعمران خان صاحب سے2 ماہ قبل گزارش کی تھی کہ میں نجی مصروفیات اورفاؤنڈیشن کے فلاحی کاموں پرتوجہ دینا چاہتاہوں اور اس کے لئے مجھےوزارت کی ذمہ داریوں سےمستعفٰی ہونےکی اجازت دی جائےجس پرانہوں نےانتظارکرنےکاکہا اوراس کےبعد 2 سے 3بار ملاقاتوں پر بھی انتظار کرنےکی ہدایات ملیں ،میں اپنے قائد کی اجازت کا منتظر ہوں، جس دن اُن سے اجازت ملی اس دن استعفیٰ وزیر اعلیٰ پنجاب کو دے دوں گا۔

عبدالعلیم خان نے کہا کہ میں  اپنے قائد اور اپنی پارٹی کے لئے پہلے بھی ہر مشکل وقت میں کھڑا رہا اور آئندہ بھی جب میری ضرورت پڑی میں اپنے قائد عمران خان کے ساتھ کھڑا نظر آؤں گا۔

مزید :

علاقائی -پنجاب -لاہور -