انگلینڈ کرکٹ بورڈ نے بھارت کو بڑا جھٹکا دیدیا

لندن(ڈیلی پاکستان آن لائن)بھارت کے خلاف آخری ٹیسٹ میچ منسوخ ہونے کے بعد متعدد انگلش کھلاڑیوں نے انڈین پریمیئر لیگ ( آئی پی ایل) کھیلنے سے انکار کردیا ہے۔
اے آر وائی نیوز کے  مطابق انگلینڈ کے وکٹ کیپر بلے باز  جونی بیرسٹو، ک آل راؤنڈر کرس ووکس اور نمبر ون ٹی 20 بلے باز  ڈیوڈ ملان نے  آئی پی ایل  کھیلنے سے انکار کردیا جبکہ  وکٹ کیپر بلے باز جوز بٹلر، سٹار آل راؤنڈر  بین سٹوکس اور فاسٹ باؤلر  جوفرا آرچر پہلے ہی لیگ سے دستبردار ہوچکے ہیں۔
واضح رہے کہ انگلینڈ اور بھارت کے درمیان کھیلی جانے والی پانچ ٹیسٹ میچوں کی سیریز کا آخری میچ بھارتی  ٹیم کے ارکان کے کورونا ٹیسٹ مثبت آنے کی وجہ سے منسوخ کردیا گیا تھا۔