شگفتہ اعجاز کے بیوٹی پارلر میں ہنگامہ، نیب افسر کی ضمانت منظور

شگفتہ اعجاز کے بیوٹی پارلر میں ہنگامہ، نیب افسر کی ضمانت منظور

کراچی(اسٹاف رپورٹر)کراچی کی مقامی عدالت نے اداکارہ شگفتہ اعجاز کے بیوٹی پارلرمیں ہنگامہ آرائی کرنے اور سیکیورٹی گارڈ کو تشدد کرنے والے نیب افسر اور اسکی اہلیہ کی ضمانت منظور کر لی ہے۔نیب کے ڈپٹی ڈائریکٹر میر اوصاف اور اسکی اہلیہ حنا خانم کے خلاف شاہراہ فیصل پولیس نے مقدمہ درج کی ہے۔ ملزم میر اوصاف اور انکی اہلیہ نے درخواست ضمانت میں موقف اختیار کیا کہ ان کے خلاف اداکارہ شگفتہ اعجاز نے جھوٹا مقدمہ درج کرایا ہے جبکہ حقیقت یہ ہے کہ مدعی مقدمہ نے حنا خانم کو تشدد کا نشانہ بنایا تھا۔ ملزم نے نجی اسپتال کا میڈیکل سرٹیفیکیٹ اور ایکسرے رپورٹ بھی عدالت میں پیش کی۔ عدالت نے وکلا کے دلائل کے بعد دونوں ملزموں کی ایک ایک لاکھ روپے کی ضمانت منظور کر لی۔

مزید : کراچی صفحہ آخر