امت مسلمہ کوبھارتی دہشتگردی کیخلاف کھڑاہوناہوگا، گورنر پنجاب نے مسجد پر بھارتی افواج کی بمباری کی ویڈیو شیئر کردی
لاہور(ڈیلی پاکستان آن لائن)گورنر پنجاب نے کشمیر میں مسجد پر بھارتی افواج کی بمباری کی ویڈیو شیئر کردی۔ان کاکہناہے کہ امت مسلمہ کوبھارتی دہشتگردی کیخلاف کھڑاہوناہوگا۔
گورنر پنجاب چودھری محمد سرور کاکہناہے کہ بھارت کی مسلم دشمنی خطے میں انارکی کوہوادے رہی ہے،مودی سب سے بڑادہشتگرداورامن کادشمن ہے،گورنر پنجاب کاکہناتھا کہ کشمیرمیں مسجدپربمباری مذہبی آزادی کاقتل ہے،کونسا مذہب مذہبی مقامات کی بے حرمتی کی اجازت دیتا ہے؟۔
چودھری محمد سرور نے کہاکہ یواین اوکامردہ ضمیرکشمیریوں کی آوازسننے سے قاصرہے،مسئلہ کشمیرحل ہونے تک خطے میں امن قائم نہیں ہوسکتا،ان کاکہناتھا کہ بھارت کشمیریوں کی تحریک آزادی کی آوازدبانہیں سکتا۔
بھارت کی مسلم دشمنی خطےمیں انارکی کوہوادےرہی ہے۔شوپیاں میں مسجدپربھاری ہتھیاروں سےحملہ@narendramodiکی اخلاقی پستی اورقابل مذمت ہے۔عبادت گاہوں کی بےحرمتی کی اجازت کونسامذہب دیتاہے؟@UNاور@hrwکےمردہ ضمیربلکتےکشمیریوں کی آہ و بکا سننےسےقاصرہیں۔آزادی کاچراغ پھونکوں سےنہیں بجھایاجاسکتا pic.twitter.com/nZ2AEZwyMh
— Mohammad Sarwar (@ChMSarwar) April 12, 2021
