سعودی عرب میں پاکستانی ڈرائیور کی نومسلم فلپائنی لڑکی سے شادی
ریاض (ڈیلی پاکستان آن لائن) سعودی عرب میں پاکستان سے تعلق رکھنے والے ڈرائیور نے نومسلم فلپائنی لڑکی سے شادی کرلی۔
سعودی عرب کے شہری مزید الھشال کے مطابق اس نے اپنے ہاں کام کرنے والے پاکستانی ڈرائیور کی خواہش پر اس کی شادی فلپائنی نومسلم لڑکی سے کرائی ہے۔ اس سلسلے میں لڑکی کے آجر اور گھر والوں سے اجازت لینے کے بعد تمام قانونی تقاضے پورے کیے گئے۔
شادی کی تقریب دعوہ سنٹر میں ہوئی جس میں پاکستانی نوجوان کے دوست احباب شریک ہوئے جبکہ دلہن کی جانب سے کمیونٹی کی خواتین کو مدعو کیا گیا تھا۔
