کبھی خود کو کامیاب اداکار تصور نہیں کیا، نواز الدین صدیقی

کبھی خود کو کامیاب اداکار تصور نہیں کیا، نواز الدین صدیقی

  

ممبئی ( نیٹ نیوز)بالی ووڈ اداکار نوازالدین صدیقی کا کہنا ہے کہ وہ خود کو ایک کامیاب اداکار نہیں سمجھتے اور نہ ہی کامیاب اداکاروں کی فہرست میں خود کو شامل کریں گے۔نوازالدین صدیقی کی حال ہی میں ریلیز فلم بجرنگی بھائی جان کو باکس آفس پر کامیابی حاصل ہوئی تھی، جس میں ان کی اداکاری کو بھی خوب پسند کیا گیا۔فلم بجرنگی بھائی جان کی کامیابی کے بعد نوازالدین بڑے اداکاروں میں شمار ہونے لگے ہیں البتہ بولی وڈ لائف کو دیے ہوئے ایک انٹرویو میں ان کا کہنا تھا کہ وہ آج بھی خود کو ایک چھوٹا اداکار ہی سمجھتے ہیں البتہ لوگوں کا رویہ ان سے کافی تبدیل ہوگیا ہے۔تاہم اس بار اداکار نوازالدین صدیقی سلمان خان اور شاہ رخ خان کے بغیر اپنی آنے والی فلم ’’منجھی دی ماؤنٹین مین‘‘ میں مرکزی کردار ادا کرتے دکھائی دیں گے۔نوازالدین کا فلم ’’منجھی‘‘ کے حوالے سے کہنا تھا کہ یہ ان کے کیرئیر کا اب تک کا سب سے مشکل کردار ہے۔

، اور اس فلم میں کی جانے والی محنت کو وہ اپنی پوری زندگی کی محنت کے برابر سمجھتے ہیں۔کیتن مہتا کی ہدایت میں بننے والی فلم ’’منجھی دی ماؤنٹین مین‘‘ 21 اگست کو ریلیز کی جائے گی۔

مزید :

کلچر -