فیملی کے آنے سے حوصلہ ملتاہے ، کپتانی کی خواہش نہیں،ٹی20 ورلڈکپ جیتناچاہتے ہیں:شعیب ملک

فیملی کے آنے سے حوصلہ ملتاہے ، کپتانی کی خواہش نہیں،ٹی20 ورلڈکپ جیتناچاہتے ...
فیملی کے آنے سے حوصلہ ملتاہے ، کپتانی کی خواہش نہیں،ٹی20 ورلڈکپ جیتناچاہتے ہیں:شعیب ملک

  

لاہور(ڈی این اے ) شعیب ملک نے کپتانی کا خیال دل سے نکال دیا، انھوں نے کہا کہ میں اس بارے میں نہیں سوچ رہا، تمام کھلاڑی شاہد آفریدی کی قیادت میں متحد اورورلڈ ٹی ٹوئنٹی جیت کرانھیں ریٹائرمنٹ پریادگارتحفہ دینا چاہتے ہیں۔قذافی سٹیڈیم لاہور میں میڈیا سے بات چیت کرتے ہوئے شعیب ملک نے واضح کیا کہ میں کپتانی کے بارے نہیں سوچتا، شاہد آفریدی کی کرکٹ میں بڑی خدمات ہیں، تمام کھلاڑی ان کی قیادت میں متحد اور ورلڈ ٹی ٹوئنٹی جیت کر انھیں ریٹائرمنٹ پر یادگار تحفہ دینا چاہتے ہیں۔انھوں نے کہا کہ میں اپنی کارکردگی کو مزید بہتر بنانے کے لیے سخت محنت کر رہا ہوں، ٹیسٹ، ون ڈے اور ٹی ٹوئنٹی تینوں طرز کی کرکٹ میں قومی ٹیم کی نمائندگی کرنا چاہتا ہوں، سلیکٹرز نے جہاں بھی موقع دیاانتخاب درست ثابت کرنے کی کوشش کروں گا۔ شعیب ملک نے کہا کہ پاکستان اور بھارت پڑوسی ممالک ہیں، ہمسایوں کا حق رشتہ داروں سے بھی زیادہ ہوتا ہے، روایتی حریفوں کے مابین کرکٹ ضرورہونی چاہیے، امید ہے کہ بھارتی حکومت کی طرف سے سیریزکے لیے گرین سگنل مل جائے گا،دونوں ممالک میں نہ صرف کرکٹ بلکہ تمام کھیلوں کے مقابلے ہونے چاہئیں۔آل راﺅنڈرنے کہا کہ دورہ سری لنکا میں تینوں فارمیٹ کی سیریز میں کامیابیاں کھلاڑیوں کی مشترکہ کوششوں کا نتیجہ ہیں، اس کا کریڈٹ ٹیم انتظامیہ اور پی سی بی حکام کو جاتا ہے۔شعیب ملک نے کہاکہ میری اہلیہ ثانیہ مرزا کو بھارتی حکومت کی طرف سے راجیو گاندھی کھیل رتنا ایوارڈ کے لیے منتخب کرنا اعزاز کی بات ہے،میں اس خوشی کو الفاظ میں بیان نہیں کر سکتا۔ انھوں نے کہا کہ فیملیز کے گراﺅنڈ میں آنے سے پلیئرز کا حوصلہ بڑھتا ہے، یہ الگ بات ہے کہ میری ٹینس اسٹار اہلیہ کی مقبولیت کے سبب معاملہ سب کی نظروں میں آگیا۔

مزید :

کھیل -