بالی ووڈ کا کھلاڑی بھی شائقین کو متاثر کرنے میں ناکام

بالی ووڈ کا کھلاڑی بھی شائقین کو متاثر کرنے میں ناکام
بالی ووڈ کا کھلاڑی بھی شائقین کو متاثر کرنے میں ناکام

  


ممبئی(ڈیلی پاکستان آن لائن)بالی ووڈ کے کھلاڑی اکشے کمار کی نئی آنے والی فلم ”ٹوائلٹ ایک پریم کتھا“ شائقین کو متاثر کرنے میں ناکام رہی ،فلم کا پہلے دن کا بزنس13کروڑ10لاکھ ہی کما سکی،جبکہ ان کی اسی سال کی پہلی فلم ”جولی ایل ایل بی 2 “نے پہلے روز13کروڑ اور 20لاکھ کمائے تھے

2017 بالی ووڈ کے بڑے اداکاروں کیلئے زیادہ اچھا ثابت نہیں ہوا، پہلے بالی ووڈ کے سلطان سلمان خان کی فلم ”ٹیوب لائٹ“ باکس آفس پر ناکامی کا شکار ہوئی پھر شاہ رخ خان کی ”جب ہیری میٹ سیجل“ شائقین کو متاثر نہ کرسکی اور اب بالی ووڈ کے کھلاڑی اکشے کمار کی فلم ”ٹوائلٹ ایک پریم کتھا“ بھی باکس آفس پر اوسط درجے کا ہی بزنس کرسکی۔

معروف اداکارہ نیہا دھوپیا کی کار کو خوفناک حادثہ، بھارتی شہری ہسپتال لے جانے کی بجائے سڑک پر کیا شرمناک کام کرتے رہے؟ انتہائی دردناک خبرآگئی

اکشے کمار بھارتی فلم انڈسٹری کے واحد اداکار ہیں جو بالی ووڈ کے تینوں خانز کو ٹکر دینے کی صلاحیت رکھتے ہیں، عامر، سلمان اور شاہ رخ خان کے بعد شائقین اکشے کمار کی فلموں کا بے صبری سے انتظار کرتے ہیں، جس کی وجہ ان کی فلموں میں بہترین کہانی کے ساتھ شاندار موسیقی اور بھرپورمزاح کی موجودگی ہے جسے دیکھنے لوگ بڑی تعداد میں سینما کا رخ کرتے ہیں۔

بھارتی میڈیا کے مطابق گزشتہ روز ریلیز ہونے والی اکشے کمار کی فلم ”ٹوائلٹ ایک پریم کتھا“ کا انتظار بھی لوگ بے صبری سے کررہے تھے، فلم کی کہانی بھارت کے سب سے بڑے مسئلے یعنی گھروں میں بیت الخلا کی عدم دستیابی کے گرد گھومتی ہے ، بھارت میں کروڑوں لوگ اس بنیادی سہولت سے محروم ہیں جس کے باعث خواتین رفع حاجت کے لیے باہر جانے پر مجبور ہیں۔ ریلیز سے قبل منفرد موضوع کے باعث فلم کو تجزیہ نگاروں کی جانب سے بہت اچھا رعمل حاصل ہواتھا اور امید کی جارہی تھی کہ یہ فلم بزنس کے تمام ریکارڈ توڑ دے گی لیکن اکشے شائقین کو متاثر کرنے میں کامیاب نہ ہوسکے۔

مزید : تفریح


loading...