مریم نواز کی پیشی پر ڈرامہ سٹیج کیا گیا، گاڑیوں میں پتھر کہاں سے آئے، شاہ محمود قریشی

مریم نواز کی پیشی پر ڈرامہ سٹیج کیا گیا، گاڑیوں میں پتھر کہاں سے آئے، شاہ ...
مریم نواز کی پیشی پر ڈرامہ سٹیج کیا گیا، گاڑیوں میں پتھر کہاں سے آئے، شاہ محمود قریشی

  

اسلام آباد (ڈیلی پاکستان آن لائن) شاہ محمود قریشی نے کہا ہے کہ رانا تنویر کا بلا جواز ایف آئی آر میں نام آنا درست نہیں، ہم اس میں آپ کا ساتھ دیں گے، مریم نواز کی پیشی پر ڈرامہ سٹیج کیا گیا، لوگ جاننا چاہتے ہیں گاڑیوں میں پتھر کہاں سے آئے۔

 وزیر خارجہ شاہ محمود قریشی نے قومی اسمبلی میں اظہار خیال کرتے ہوئے کہا کل رانا تنویر موقع پر نہیں تھے، ان کیخلاف مقدمہ درست نہیں، بلا جواز ایف آئی آر میں نام درست نہیں، آپ کا ساتھ دیں گے، پتھر کہاں سے آئے، معاملے سے توجہ کیوں ہٹائی گئی ؟ دوسری چیزوں کو اٹھائیں گے تو ہاو¿س کا ماحول خراب ہوگا، کل کے واقعے پر بحث ہوسکتی ہے لیکن ہاؤس کا ماحول خراب نہیں کرنا چاہتے۔

شاہ محمود قریشی کا کہنا تھا نوید قمر ایک منجھے ہوئے قانون دان ہیں، انہوں نے بہت مناسب اور عمدہ باتیں کی ہیں، اس ملک میں منی لانڈرنگ کی وبا رہی، منی لانڈرنگ سے کئی لوگوں نے فائدہ اٹھایا، نوید قمر نے ٹھیک کہا کہ قانون سازی میں توازن ہونا چاہئے، ہمیں منی لانڈرنگ کا تدارک کرنا ہے، ایف اے ٹی ایف کو مد نظر رکھ کر اپنی ذمہ داریاں ادا کرنی ہیں۔

مزید :

قومی -علاقائی -اسلام آباد -