محمد حفیظ نے بھی انگلینڈ میں بائیو سیکیور قوانین کی خلاف ورزی کر ڈالی، کس کیساتھ تصویر بنا کر سوشل میڈیا پر ڈال دی؟ بڑی مشکل میں پھنس گئے

محمد حفیظ نے بھی انگلینڈ میں بائیو سیکیور قوانین کی خلاف ورزی کر ڈالی، کس ...
محمد حفیظ نے بھی انگلینڈ میں بائیو سیکیور قوانین کی خلاف ورزی کر ڈالی، کس کیساتھ تصویر بنا کر سوشل میڈیا پر ڈال دی؟ بڑی مشکل میں پھنس گئے

  

ساﺅتھمپٹن (ڈیلی پاکستان آن لائن) انگلینڈ میں موجود پاکستانی ٹیسٹ کرکٹر محمدحفیظ گالف کھیلتے ہوئے بائیو سیکیورٹی پروٹوکول کی ممکنہ خلاف ورزی کر کے مشکل میں آ گئے ہیں اور بائیو سیکیور پروٹوکول کی خلاف ورزی پر انہیں آئسولیٹ کئے جانے کا خدشہ ہے۔

تفصیلات کے مطابق محمد حفیظ نے گالف کورس میں ایک خاتون کے ساتھ تصویر بناکر سوشل میڈیا پر شیئر کی تھی اور تصویر میں دیکھا جاسکتا ہے کہ انہوں نے بائیو سیکیور پروٹوکول پر عمل نہیں کیا۔

Met an inspirational Young lady today morning at Golf course. She is 90+ & & living her life healthy & happily.Good healthy routine ???????????? pic.twitter.com/3tsWSkXl1E

— Mohammad Hafeez (@MHafeez22) August 12, 2020

ذرائع کا کہنا ہے کہ محمدحفیظ نے خاتون سے 2 میٹرکا فاصلہ نہ رکھ کرپروٹوکول کی خلاف ورزی کی ہے اور بائیو سیکیور پروٹوکول کی خلاف ورزی کا الزام ثابت ہونے پر انہیں آئسولیٹ کیا جاسکتا ہے۔ انگلینڈ نے اسی طرح کی خلاف ورزی پر اپنے کھلاڑی جوفرا آرچرڈ پر پابندی اور جرمانہ عائد کیا تھا۔

پاکستان کرکٹ بورڈ (پی سی بی) نے محمد حفیظ کے معاملے پر انگلش بورڈ سے رابطہ کرلیا ہے اور کہا ہے کہ گالف کورس بائیو سیکیور ببل کا حصہ ہے اور گراؤنڈ سے ہی ملحقہ ہے جبکہ یہاں کھلاڑیوں کے آنے جانے پر بھی کوئی پابندی نہیں، اگلے چند گھنٹوں میں حقائق سامنے لائے جائیں گے۔

واضح رہے کہ کورونا وائرس کے باعث پاکستان اور انگلینڈ کی سیریز بائیو سیکیور ماحول اور سخت حفاظتی پروٹوکول میں ہو رہی ہے اور ابھی سیریز کا ایک ٹیسٹ میچ کھیلا گیا ہے جبکہ دو ٹیسٹ میچز کے علاوہ تین ٹی 20 میچز پر مشتمل سیریز بھی باقی ہے جس میں محمد حفیظ نے حصہ لینا ہے۔

مزید :

کھیل -