بلوچستان میں شدید بارشوں ،سیلاب سے تباہی، گھر، مویشی اور رابطہ سڑکیں بہہ گئیں

بلوچستان میں شدید بارشوں ،سیلاب سے تباہی، گھر، مویشی اور رابطہ سڑکیں بہہ ...
بلوچستان میں شدید بارشوں ،سیلاب سے تباہی، گھر، مویشی اور رابطہ سڑکیں بہہ گئیں

  

کوئٹہ (ڈیلی پاکستان آن لائن ) بلوچستان میں شدید بارشوں اور سیلاب سے  گھر ،مویشی اور رابطہ سڑکیں بہہ گئیں ،توبہ اچکزئی اور توبہ کاکڑی سمیت قریبی علاقوں میں بھی موسلادھار بارش ریکارڈ کی گئی جس سے رابطہ سڑکیں سیلابی ریلوں کی وجہ سے دوبارہ بند ہوگئیں۔

 نجی ٹی وی "جیو نیوز "کے مطابق چمن کے علاقے مسلم باغ میں سیلابی ریلوں کے باعث شدید نقصان ہوا جہاں 100سے زائد گھر،کاریز، سیکڑوں درخت اورمویشی بہہ گئے جب کہ رابطہ پل اور سڑکیں بہہ جانے سے مشکلات میں مزید اضافہ ہوگیا، بارش اور سیلابی صورتحال کے باعث امدادی ٹیموں کو بھی متاثرہ علاقوں میں پہنچنے میں دشواری کا سامنا ہے۔

دوسری جانب چمن کے علاقے توبہ اچکزئی اور توبہ کاکڑی سمیت قریبی علاقوں میں بھی موسلادھار بارش ریکارڈ کی گئی جس سے رابطہ سڑکیں سیلابی ریلوں کی وجہ سےدوبارہ بند ہوگئیں جب کہ پاک افغان سرحدی علاقے بھی مون سون کے طاقتور ترین سسٹم کے زیر اثر  آگئے ہیں۔پی ڈی ایم اے کے مطابق آج دوپہر سے چمن کے بیشتر علاقوں میں مزید طوفانی بارش متوقع ہے جس سے قلعہ سیف اللہ، لورالائی، بارکھان،کوہلو، موسیٰ خیل میں سیلابی صورتحال کا خطرہ مزید بڑھ جائے گا۔اس کے سبی، بولان، قلات،خضدار،لسبیلہ،آواران، تربت، پنجگور میں بھی طغیانی کا خطرہ ہے۔

مزید :

قومی -