سابق ڈی جی آئی ایس آئی کی حراست پر چیئرمین پی ٹی آئی کا ردعمل سامنے آگیا
اسلام آباد (ڈیلی پاکستان آن لائن)چئیرمین پاکستان تحریک انصاف بیرسٹر گوہر خان نے فیض حمید کے خلاف کارروائی کو فوج کا اندرونی معاملہ قرار دےد یا۔
میڈیا سے بات چیت کرتے ہوئے گوہر خان کا کہنا تھا کہ یہ فوج کااپنا اندرونی معاملہ ہے , فوج کااپنا ایک سٹرکچر بنا ہوا ہے، وہ جس کو جیسے کرنا چاہیں کر سکتے ہیں,انہوں نے کہا کہ ہم نے کبھی سابق آرمی چیف جنرل قمر جاوید باجوہ کے خلاف میرا نہیں خیال کوئی ایسا مطالبہ رہا ہے,ان کا مزید کہنا تھا کہ مجھے نہیں یاد کہ بانی پی ٹی آئی نے بھی سابق آرمی چیف کے خلاف ایسی کوئی بات کی ہو.
