وزیر اعظم کے پاس موقع ہے کہ وہ اسحاق ڈار کی تباہ کن معاشی پالیسیوں سے چھٹکارہ حاصل کریں: اسد عمر

اسلام آباد (ڈیلی پاکستان آن لائن) تحریک انصاف کے مرکزی رہنما اسد عمر نے کہا ہے کہ موجودہ حکومت نے سٹاک مارکیٹ، ملکی زرِ مبادلہ کے ذخائر اور کرنسی ریٹ کو قرضوں کے سر پر مستحکم رکھا جس کا اب خمیازہ بھگتنا پڑ رہا ہے، وزیر اعظم کے پاس موقع ہے کہ وہ اسحاق ڈار کی تباہ کن پالیسیوں سے چھٹکارہ حاصل کریں۔
اپنے ٹوئٹر پیغام میں اسد عمر نے کہا کہ موجودہ حکومت نے ملک کی معاشی ترقی کو ظاہر کرنے کیلئے تین کام کیے، پہلے نمبر پر سٹاک مارکیٹ کو بڑھتا ہوا دکھایا گیا جبکہ ملکی زر مبادلہ کے ذخائر زیادہ سے زیادہ رکھے گئے اور کرنسی ریٹ کو مزید گرنے سے روکا گیا۔اب یہ حال ہے کہ سٹاک مارکیٹ 14 ہزار پوائنٹس سے زیادہ گر چکی ہے ، زرمبادلہ کے ذخائر میں 6 ارب ڈالر سے زائد کی کمی واقع ہوچکی ہے جبکہ روپے کی قدر صرف 2 دن میں 4 فیصد سے کم ہوچکی ہے۔

This govt used to claim 3 things to prove that the economy was doing well. Rising stock market, increasing $ reserves & exchange rate stability. Stock index down more than 14,000 points, reserves down more than 6 billion $, rupee devalued 4% in two days (1/2)

— Asad Umar (@Asad_Umar) December 12, 2017

انہوں نے کہا کہ آپ صرف ایک عرصے تک ہی قرضوں ، ڈیٹا میں ردو بدل کرکے اور مصنوعی استحکام کے ذریعے معیشت کو چلا سکتے ہیں لیکن پھر حقائق سامنے آنا شروع ہوجاتے ہیں۔اب اسحاق ڈار جا چکے ہیں تو وزیر اعظم شاہد خاقان عباسی کے پاس موقع ہے کہ وہ حکمت عملی کو تبدیل کریں اور ڈار کی تباہ کن معاشی پالیسیوں سے چھٹکارہ حاصل کریں۔

You can only run the economy on reckless borrowing, manipulating data and artificial controls for so long. After a while the fundamentals catch up. With Dar gone an opportunity for shahid khaqan to change strategy and abandon the disastrous economic policies of Dar (2/2)

— Asad Umar (@Asad_Umar) December 12, 2017