فواد چوہدری نوکری بچانے کیلئے اچھل کود رہے ہیں، سعید غنی
کراچی (آئی این پی ) پاکستان پیپلز پارٹی کے رہنما اور وزیر بلدیات سندھ سعید غنی نے کہا ہے کہ وفاقی وزیر اطلاعات فواد چوہدری نوکری بچانے کے لیے اچھل کود کر رہے ہیں، وزیر اعظم عمران خان کے چندہ چوری کے راز فاش ہو رہے ہیں، ڈالر کی اونچی اڑان موجودہ حکومت کی کامیابی ہے۔پیپلز پارٹی کے رہنما سعید غنی نے ایک بیان میں کہا ہے کہ وفاقی وزیر اطلاعات فواد چوہدری نوکری بچانے کے لیے اچھل کود کر رہے ہیں، فواد چوہدری وزیر اعظم عمران خان کی ہمشیرہ علیمہ خان کی فکر کریں۔انہوں نے کہا کہ وزیر اعظم عمران خان کے چندہ چوری کے راز فاش ہو رہے ہیں، ڈالر کی اونچی اڑان موجودہ حکومت کی کامیابی ہے۔وزیر بلدیات نے کہا کہ بجلی مہنگی، گیس مہنگی، روٹی مہنگی یہ ہے پی ٹی آئی حکومت کی کارکردگی۔
