بی آرٹی منصوبے کی انکوائری،خیبرپختونخواحکومت نے بڑااعلان کردیا

بی آرٹی منصوبے کی انکوائری،خیبرپختونخواحکومت نے بڑااعلان کردیا
بی آرٹی منصوبے کی انکوائری،خیبرپختونخواحکومت نے بڑااعلان کردیا

  



پشاور(ڈیلی پاکستان آن لائن)خیبرپختونخوا حکومت نے اعلان کیا ہے کہ وہ بی آرٹی منصوبے کی انکوائری نہیں رکوائے گی۔ایف آئی اے کی انکوائری رکوانے کاکوئی ارادہ نہیں ہے ۔

مشیر وزیراعلیٰ پنجاب اجمل وزیرنے کہا ہے کہ بی آرٹی منصوبے سے متعلق ایف آئی اے کی انکوائری کو نہیں رکوایاجائے گا۔انہوں نے کہاصوبائی حکومت کا ایسا کوئی ارادہ نہیں ہے کہ اس پر تحقیقات نہ ہوں۔انہوں نے کہا خیبرپختونخوا حکومت ایف آئی اے سے تعاون کرے گی۔منصوبے کی شفافیت کیلئے ایف آئی اے کو ہرقسم کا تعاون فراہم کیا جائے گا۔

اس سے قبل مقامی میڈیا کی جانب سے کہا گیاتھا کہ کے پی کے حکومت نے پشاور بی آرٹی منصوبے پرایف آئی اے کی تحقیقات روکنے کیلئے سپریم کورٹ سے رجوع کا فیصلہ کرلیا ۔رپورٹ میں کہا گیا حکومت کے مطابق نیب میں منصوبے کی تحقیقات سپریم کورٹ پہلے ہی روک چکی ہے اس لئے کیس دوبارہ نہیں کھولا جا سکتا۔ایڈووکیٹ جنرل خیبر پختونخوانے کہاتھا کہ سپریم کورٹ جانے کیلئے کیس تیارہے،آئندہ ہفتے کیس سپریم کورٹ میں دائر کیا جائے گا۔

اس سے قبل پشاور ہائیکورٹ نے ایف آئی اے کو45 دن میں بی آرٹی منصوبے کی تحقیقات کرنے کا حکم دیا تھا۔نجی ٹی وی کے مطابق پشاور ہائی کورٹ نے بی آر ٹی پراجیکٹ پر سوالات اٹھا ئے تھے اور چیف جسٹس پشاور ہائیکورٹ جسٹس وقار احمد سیٹھ نے تفصیلی فیصلہ جاری کرتے ہوئے ایف آئی اے کو 45 دن کے اندر بی آر ٹی کی انکوائری کا حکم دیا تھا۔

مزید : علاقائی /خیبرپختون خواہ /پشاور