سرکاری ہسپتال کے اندر دھوم دھام سے شادی،کھانا بھی ہسپتال کے وارڈ میں دیا گیا
صادق آباد(ڈیلی پاکستان آن لائن)صادق آباد میں ہسپتال کے عملے نے قانون کی دھجیاں اڑا تے ہوئے تحصیل ہیڈ کوارٹر ہسپتال کے اندر شادی کی تقریب منعقد کروادی۔
سماءنیوز کے مطابق شادی ہسپتال کے ملازم کے بچوں کی تھی ،بارات دھوم دھام سے ہسپتال پہنچی،باراتی ہسپتال کے اندر ڈانس کرتے رہے اور نقدی نچھاور کرتے رہے۔باراتیوں کو کھانا بھی ہسپتال کے اندر وارڈ میں ہی دیا گیا۔ہسپتال عملے کا کہنا تھا کہ تقریب کے دوران ایس او پیز کا خیال رکھا گیا ہے۔
