ڈولفن سکواڈ اور پولیس ریسپانس یونٹ کی کارکردگی رپورٹ جاری

لاہور(کرائم رپورٹر)ایس پی توقیر نعیم نے ڈولفن سکواڈ اور پولیس ریسپانس یونٹ کی کارکردگی رپورٹ سے آگاہ کرتے ہوئے بتایا کہ ہیلپ لائن پرموصول1529کالزپر فوری ریسپانس عمل میں لایاگیا۔ سٹاپ اینڈسرچنگ کے دوران240سے زائدموٹر سائیکلوں وگاڑیوں اور02لاکھ98 ہزارسے زائد اشخاص کی چیکنگ عمل میں لائی گئی جبکہ چوری وڈکیتی کی وارداتوں میں ملوث 44ملزمان گرفتارکئے گئے۔ملزمان کے قبضہ سے10موٹر سائیکلیں،19 موبائل فون اور ہزاروں روپے نقدی برآمدکی گئی۔اسلحہ کے خلاف کریک ڈاؤ ن کرتے ہوئے 15پستول، 3رائفلز،میگزین اور متعدد گولیاں قبضہ میں لی گئیں۔منشیات کے خلاف کارروائی کے دوران 7بوتلیں شراب،چرس و ہیروئن برآمد کی گئیں۔ دورانِ پٹرولنگ26اشتہاری،37عادی مجرمان گرفتار جبکہ 99عدالتی مفروران بھی حراست میں لئے گئے۔دورانِ پٹرولنگ کوائف کی تصدیق نہ ہونے پر28گاڑیاں وموٹر سائیکلیں تھانوں میں بند جبکہ252اشخاص کے خلاف قانونی کارروائی کی گئی۔ ون ویلنگ میں ملوث22جبکہ پتنگ بازی میں ملوث4،ہوائی فائرنگ و آتش بازی کرنیوالے 2ملزمان گرفتارکئے گئے۔